National School: આજકાલ લોહિયાળ વેબ સિરીઝ અને ખતરનાક ગેમ તેમજ લોહીથી ખરડાયેલી હિંસક ફિલ્મોની અસર બાળકોના કુમળા માનસ ઉપર કેટલી ઘાતક અસરો કરી રહી છે તે સ્કૂલ-કોલેજમાં થઈ રહેલી મારામારી અને ગુંડારાજ અને ગ્રુપવોર જેવી ઘટનાઓ તેની ગંભીરતા દર્શાવે છે,અમદાવાદમાં હજુ ગયા વર્ષે સેવન્થ ડે સ્કૂલમાં ધો.10ના વિદ્યાર્થીનું સરા જાહેર સાથી વિદ્યાર્થીએ મર્ડર કર્યું તેનાથી સભ્ય સમાજ ચોંકી ઉઠ્યો કે શાળામાં અભ્યાસ કરતા વિદ્યાર્થી આવું હિંસક વર્તન કઈ રીતે કરી શકે? સંસ્કારો,સભ્યતા,પ્રામાણિકતાના ગુણો વડીલો અને શાળામાંથી બાળકો શીખતાં હતા અને નરી નિર્દોષતા હતી તે ક્યાં ખોવાઈ ગઈ?
સેવન્થ ડે સ્કૂલના વિદ્યાર્થીના મર્ડર થયાની હીંચકારી ઘટનાના પડઘા હજુ શમે તે પહેલાં જ અમદાવાદમાં ફરી નારણપુરા વિસ્તારમાં સોલા રોડ પરના ભૂયંગદેવ ચાર રસ્તા નજીક આવેલી નેશનલ સ્કૂલના ગેટ બહાર આજે સવારે ધોરણ 10ના એક વિદ્યાર્થી પર જીવલેણ હુમલો થયો જેના CCTV સામે આવ્યા તે જોઈ સૌ ચોંકી ગયા છે.
આ ઘટનામાં પણ સેવન્થ ડે સ્કૂલ જેવીજ થિયરી સામે આવી છે જેમાં બે વિદ્યાર્થીઓ વચ્ચે ચાર મહિના અગાઉ કોઈ બાબતે ઝઘડો થયો અને તે અદાવતનું વેર રાખી વિદ્યાર્થી ઉપર હુમલો કરાયો હોવાનું કારણ પોલીસની પ્રાથમિક તપાસમાં સામે આવ્યું છે આ શાળામાં જ ભણતા બે વિદ્યાર્થીઓ વચ્ચે જૂની તકરારની અદાવતમાં આજે સવારે જ્યારે વિદ્યાર્થી શાળાએ પહોંચ્યો અને નેશનલ સ્કૂલમાં ધોરણ 10ના વિદ્યાર્થીની પરીક્ષા પૂરી થઈ અને બહાર નીકળ્યા પછી તેના પર હુમલો કરવામાં આવ્યો હોવાનું ખુલ્યું છે.
હુમલાખોર વિદ્યાર્થીએ અન્ય સાથીદારો સાથે મળીને તેના પર હુમલો કર્યો હતો. સામાન્ય બોલાચાલી બાદ ઉશ્કેરાયેલા હુમલાખોરે છરી કાઢી વિદ્યાર્થી પર ઘા કર્યો હોવાનું કહેવાય છે નેશનલ સ્કૂલના શાળાના ઈજાગ્રસ્ત વિદ્યાર્થીને નજીકની હોસ્પિટલમાં લઈ જવાયો અને સારવાર આપવામાં આવી હતી પોલીસ સમગ્ર મામલે તપાસ કરી રહી છે.
મહત્ત્વનું છે કે વિદ્યાર્થીઓ વચ્ચે થયેલી મારામારીની ઘટનાના દ્રશ્યો CCTV કેમેરામાં કેદ થઈ છે. જેમાં વિદ્યાર્થીઓનું ટોળું એક વિદ્યાર્થીને લાકડી અને પટ્ટા વડે મારી રહ્યું હોવાનું કેદ થયું છે સ્કૂલની 100 મીટરના અંતરમાં જ વિદ્યાર્થી પર હુમલો કરવામાં આવ્યો હતો. આ હુમલામાં 3 વિદ્યાર્થીઓ ઈજાગ્રસ્ત થયા હોવાનું કહેવાય છે ગુંડાઓ જેવી હરકત ધોરણ 10ના વિદ્યાર્થીઓમાં જોવા મળી છે અત્યંત ચોંકાવનારા આ ગેંગવોરના દૃશ્યો જોઈ ધો.10ના હિંસક બની વિદ્યાર્થીઓ કઈ દિશામાં જઈ રહયા છે તે ચિંતન કરવાનો વિષય બન્યો છે.
અત્રે ઉલ્લેખનીય છે કે ગત વર્ષના તા.19 ઓગસ્ટ, 2025ના રોજ અમદાવાદના ખોખરામાં આવેલી સેવન્થ ડે સ્કૂલના ધોરણ 10ના વિદ્યાર્થી નયનની તેની જ સ્કૂલમાં અભ્યાસ કરતા ધોરણ 10ના એક વિદ્યાર્થીએ બોક્સ કટર મારીને હત્યા કરી હતી અને ત્યારે રાજ્યભરમાં તેના ઘેરા પ્રત્યાઘાતો પડ્યા હતા હવે 2026ની શરૂઆતમાં જ ફરી અમદાવાદમાં નેશનલ સ્કૂલના ધો.10ના વિદ્યાર્થી ઉપર એક ગ્રુપ તૂટી પડતા શિક્ષણ જગતમાં ફેલાઈ રહેલા ગુંડારાજથી સમાજ વ્યવસ્થા ઉપર સવાલો ઉઠી રહયા છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
