Solar Eclipse: વર્ષનું પહેલું સૂર્યગ્રહણ આવતીકાલે તા. 17 ફેબ્રુઆરીના રોજ થવાનું છે અને જે ‘રીંગ ઓફ ફાયર’ના રૂપમાં જોવા મળશે, આ નજારો એન્ટાર્કટિકા સહિત દક્ષિણ ગોળાર્ધમાં લગભગ 2 મિનિટ અને 20 સેકન્ડ માટે જોવા મળશે.જોકે,ભારતમાં આ સૂર્યગ્રહણ દેખાવાનું નથી.
ખગોળશાસ્ત્રીય ગણતરીઓ અનુસાર, ગ્રહણ મંગળવારે ભારતીય સમય મુજબ લગભગ 12:31 વાગ્યે દેખાશે, તે એન્ટાર્કટિકા જેવા વિસ્તારોમાં સંપૂર્ણપણે દેખાશે. આ અદભુત રિંગ ઓફ ફાયર લગભગ 2 મિનિટ અને 20 સેકન્ડ સુધી ચાલશે. ગ્રહણ સવારે 09:56 વાગ્યે શરૂ થશે. તે મુખ્યત્વે દક્ષિણ ગોળાર્ધમાં દૃશ્યમાન થશે.
■ વર્ષનું સૌથી મોટું પૂર્ણ સૂર્યગ્રહણ ૧૨ ઓગસ્ટના રોજ થશે.
૧૭ ફેબ્રુઆરીના રોજ રિંગ ઓફ ફાયર પછી, ૧૨ ઓગસ્ટ, ૨૦૨૬ના રોજ વિશ્વ પૂર્ણ સૂર્યગ્રહણ જોશે. આ એક દુર્લભ ક્ષણ હશે જ્યારે ચંદ્ર સૂર્યને સંપૂર્ણપણે ઢાંકી દેશે પરિણામે થોડી મિનિટો માટે દિવસ રાતના અંધકારમાં ફેરવાઈ જશે.
■ ભારતમાં આવી પરિસ્થિતિ હશે
આ સૂર્યગ્રહણ ભારતમાં દેખાશે નહીં. તેનું મુખ્ય કારણ એ છે કે જ્યારે આ ખગોળીય ઘટના બનશે, ત્યારે ભારતમાં સૂર્ય ક્ષિતિજની નીચે (રાત્રિ કે સાંજના સમયે) હશે. તેથી, દેશના કોઈપણ ભાગમાંથી આ ગ્રહણ જોવાનું શક્ય બનશે નહીં.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
