Donald Trump: અમેરિકાએ સત્તાવાર રીતે વિશ્વ સ્વાસ્થ્ય સંગઠન (WHO)નું સભ્યપદ છોડી દીધું છે સાથેજ અમેરિકાએ સ્પષ્ટ કર્યું છે કે તે ભવિષ્યમાં નિરીક્ષક તરીકે પણ આ સંગઠન સાથે જોડાવાની કોઈ યોજના ધરાવતું નથી.
WHO સાથે છેડો ફાડવાના કારણમાં કોવિડ-19 મહામારીના સંચાલનમાં સંયુક્ત રાષ્ટ્રની સ્વાસ્થ્ય એજન્સીની નિષ્ફળતાઓને અમેરિકાએ જવાબદાર ઠેરવી છે અમેરિકાએ સ્પષ્ટ કર્યું કે હવે જાહેર આરોગ્ય પ્રાથમિકતાઓ માટે આંતરરાષ્ટ્રીય સંગઠનોને બદલે અન્ય દેશો સાથે સીધો સહયોગ અને મદદ કરશે.
ટ્રમ્પે પોતાના અધિકારોનો ઉપયોગ કરીને WHOને આપવામાં આવતું તમામ ફંડિંગ તાત્કાલિક અસરથી બંધ કરી દીધું છે અમેરિકા માને છે કે આ સંગઠનને કારણે દેશને અબજો ડોલરનું નુકસાન થયું છે બીજી તરફ WHOના પ્રવક્તાએ જણાવ્યું છે કે અમેરિકાએ વર્ષ 2024 અને 2025 સુધી સંગઠનને ફી પેટે ચૂકવવાના થતા 26 કરોડ ડોલર હજુ ચૂકવ્યા નથી.
જોકે,અમેરિકી વિદેશ વિભાગના સૂત્રોએ WHOના આ દાવાને નકારી કાઢ્યો છે અને કહ્યું હતું કે સંગઠન છોડવા માટે ચૂકવણી કરવી ફરજિયાત હોવાનો કાયદામાં કોઈ ઉલ્લેખ નથી આમેય, અમેરિકાએ ઘણું આપ્યું છે.WHOના પ્રવક્તાએ જણાવ્યું હતુ કે ફેબ્રુઆરીમાં યોજાનાર કાર્યકારી બોર્ડની બેઠકમાં સભ્ય દેશો અમેરિકાના બહાર નીકળવા અને તેનાથી સંબંધિત મુદ્દાઓ પર ચર્ચા કરશે.
આમ,અમેરિકાએ WHO સાથે છેડો ફાડી નાખ્યો છે અને જ્યારે આંતરરાષ્ટ્રીય સ્તરે કોઈ મહામારી આવશે તો કોઈ સંગઠન મારફતે નહિ પણ સીધો સહયોગ કરવાની વાત કરી છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
