Ahmedabad Crime: ગુજરાતમાં દિવસને દિવસે લૂંટ, હત્યા, અત્યાચારોની ઘટનાઓમાં સતત વધારો થતો જઈ રહ્યો છે. જેનો રેશિયો ઓછો થવાને બદલે વધી રહ્યો છે. જે એક ચિંતાજનક છે. ત્યારે અમદાવાદ શહેરના એરપોર્ટ પર કામ કરતી 22 વર્ષીય યુવતીની તંદૂર હોટલમાંથી લાશ મળવા મામલે એક આરોપીની ધરપકડ કરાઈ છે. નસરીનબાનુ અન્સારી સાથે ચિંતન વાઘેલા નામનો યુવક સાથે રૂમમાં ગયો હતો અને તેને જ ગળે ટૂંપો દઈ યુવતીની હત્યા કરી હોવાની શક્યતા વ્યક્ત કરાઈ છે. તે યુવતીનો મિત્ર હોવાની પણ ચર્ચાઓ થઈ રહી છે. હાલ તો અમદાવાદ ક્રાઈમ બ્રાંચ દ્વારા આરોપી યુવકની ધરપકડ કરી તેની પૂછપરછ ચાલી રહી છે.

શું છે ઘટના?

મળતી વિગતો અનુસાર અમદાવાદ શહેરમાં આવેલા રામોલ વિસ્તારમાં રહેતી એરપોર્ટ પર કામ કરતી એક યુવતી નસરીન અન્સારીનો મૃતદેહ હોટલમાં શંકાસ્પદ હાલતમાં મળી આવ્યો હતો. રવિવાર સાંજે(16 માર્ચ) એરપોર્ટ નજીકની જ તેની હત્યા થયેલી હાલતમાં મૃતદેહ મળી આવ્યો હતો.

હોટલ સ્ટાફને જાણ થતાં પોલીસ બોલાવી હતી. પોલીસસૂત્રો દ્વારા મળતી માહિતી અનુસાર મૃતક નસરીન બાનુ મૂળ ઉત્તર પ્રદેશના સંત કબીર નગરના રહેવાસી હતી અને હાલમાં અમદાવાદના રામોલ વિસ્તારમાં મદની નગરમાં રહેતી હતી. નસરીનબાનુ હોટેલમાં પ્રવેશી ત્યારે એક યુવક પણ તેની સાથે હતો અને ત્યારબાદ તેને બહાર નીકળતો સીસીટીવીમાં જોઈ શકાય છે.

જે સીસીટીવીના આધારે પોલીસે આરોપી યુવક ચિંતન વાઘેલાની ધરપકડ કરી છે. ત્યારે હવે પોલીસે બંને હોટલમાં કેમ ગયા હતા, કેમ હત્યા કરાઈ, શું છે આખો મામલો શું છે તે જાણવા પોલીસે ગુનો નોંધી પોલીસે પૂછપરછ હાથ ધરી છે.