• વડોદરામાં ટ્રાવેલ્સ બસ ટ્રક પાછળ ઘૂસી, 2 ના મોત, 8 ઈજાગ્રસ્ત
• સુરતમાં ટ્રકે પોલીસવાન સહિત 4 વાહનને ટક્કર મારી
• સુરતમાં અકસ્માત સ્થળે પહોંચી પોલીસને નડ્યો અકસ્માત

Accident:  વડોદરા સહિત સુરતમાં ભયંકર અકસ્માત થયા છે. વડોદરામાં થયેલા અકસ્માતમાં 2 લોકોના મોત થઈ ગયા છે. જ્યારે 8 લોકો ઈજાગ્રસ્ત થયા છે. ગોલ્ડન ચોકડી પાસે ટ્રાવેલ્સ બસ ટ્રક પાછળ ઘૂસી ગઈ હતી. જ્યારે એક બીજો અકસ્માત સુરતમાં થયો છે. જેમાં 4 વાહનોને ટ્રકે અડફટે લીધા છે.  બે પોલીસકર્મી ગંભીર રીતે ઈજાગ્રસ્ત થયા છે.

વડોદરામાં રાત્રે 11 વાગ્યે અકસ્માત થયો

વડોદરામાં ગોલ્ડન ચોકડી પાસે ગત રાત્રે 11 વાગ્યે ટ્રાવેલ્સ બસ અને ટ્રક વચ્ચે અકસ્માતમાં બે લોકોના કરુણ મોત થઈ ગયા છે. સુરતથી અમદાવાદ જતી ટ્રાવેલ્સ પાછળથી ટ્રકમાં ઘૂસી ગઈ હતી. જેમાં 8 લોકો ઈજાગ્રસ્ત થયા છે.

વડોદરામાં અકસ્માતનો ભોગ બનેલા મૃતકોના નામ

સુરતમાં પૂર ઝડપે આવેલી ટ્રકે 4 વાહનોને મારી ટક્કર, 4 ઈજાગ્રસ્ત

વધુ એક અકસ્માતની ઘટના સુરતમાં બની છે. કામરેજ વિસ્તારમાં નવાગામ  નજીક એક બેકાબૂ ટ્રકે 4 વાહનોને અડફેટે લીધા છે. જેમાં એક પોલીસ વાનનો પણ સમાવેશ થાય છે. નવાગામ બ્રિજ પર એક પિકઅપ બોલેરો પલટી મારી ગઇ હતી. આ અકસ્માતને પગલે ટ્રાફિક હળવો કરવા સુરત જિલ્લા ટ્રાફિક પોલીસ અને NHAI વિભાગની ટીમ ઘટનાસ્થળે પહોંચી હતી. તે દરમિયાન ટ્રકે પોલીસવાન, NHAIની બોલેરો, અકસ્માતગ્રસ્ત પિકઅપ બોલેરો અને ટ્રેલરને ટક્કર મારી આગળ નીકળી ગઈ હતી. આ ઘટનામાં 2 પોલીસકર્મી સહિત 5 જેટલાંલોકો અડફેટે ચડ્યા હતા. અકસ્માત સર્જ્યા બાદ ટ્રકચાલક ફરાર થઈ ગયો હતો. પોલીસે ક્લીનરને ઝડપી લીધો હતો. પોલીસે ટ્રકચાલક વિરુદ્ધ ફરિયાદની તજવીજ હાથ ધરી છે.

અકસ્માત થતાં પોલીસ તપાસ અને ટ્રાફિક હળવો કરવા પહોંચી હતી

 અકસ્માતગ્રસ્ત પિકઅપ બોલેરોના ચાલક રાધે ક્રિષ્ના પાંડેને ગંભીર ઈજાઓ થતાં તેનું મોત નીપજ્યું હતું. આ જ અકસ્માતમાં તપાસ અને ટ્રાફિક હળવો કરવા પોલીસકર્મીઓ વાન લઈને પહોંચ્યા હતા. જો કે માતેલા સાંઢની જેમ આવેલી ટ્રકે  4 જેટલા વાહનોને અડફેટે લીધા હતા. જેમાં પોલીસકર્મીઓની ગાડીનો પણ સમાવેશ થાય છે. અકસ્માતમાં  ઈજાગ્રસ્ત બે પોલીસકર્મી કિરણ સિંહ ઠાકોર અને શૈલેષભાઈ વસાવા સહિત 4થી વધુ લોકોને સારવાર માટે નજીકની હોસ્પિટલમાં ખસેડવામાં આવ્યા છે.

આ પણ વાંચોઃ

Rahul Gandhi: રાહુલે અમેરિકામાં ભારતીય ચૂંટણી પર પ્રશ્નો ઉઠાવ્યા, ચૂંટણીપંચ પાસેથી વીડિયો માંગ્યા પણ…

કર્ણાટકના પૂર્વ DGPની હત્યા, ઘરમાંથી મળી લાશ, પત્ની પર શંકા

Gondal માં એક સાથે ચાર અર્થી ઉઠી, કાર અકસ્માતમાં પરિવારને કાળ ભરખી ગયો

હવે નેપાળમાં હિંદુ રાષ્ટ્ર અને રાજાશાહીની માંગ કેમ ઉઠી? લોકો રસ્તાઓ પર ઉતર્યા! | Nepal