Vadodara: જમ જેવા જમાઈએ સસરા પર કર્યો જીવલેણ હુમલો, જાણો શું છે સમગ્ર મામલો

Vadodara: સંસ્કારી નગરી વડોદરામાં હવે કાયદો અને વ્યવસ્થાની સ્થિતિ કથળી રહી છે જાહેરમાં મારામારી અને હુમલાની ઘટનાઓ સામે આવી રહી છે ત્યારે વડોદરમાં જાહેરમાં મારામારીની વધુ એક ઘટના સામે આવી છે જેમાં જાહેર માર્ગ પર જમાઈએ પોતાનાં કેટલાક મિત્રો સાથે મળીને સસરા પર ધોકા વળે જીવલેણ હુમલો કર્યો હતો. આ હુમલામાં સસરાને ગંભીર ઈજાઓ પહોંચતા તેમને સારવાર માટે હોસ્પિટલ ખસેડવામા આવ્યા છે. બીજી તરફ આ મામલે છાણી પોલીસ સ્ટેશનમાં ગુનો નોંધવામાં આવ્યો છે.ત્યારે આરોપી હાલ ફરાર થઈ ગયો છે.

જમાઈએ સસરા પર કર્યો જીવલેણ હુમલો

મળતી માહિતી મુજબ ખંભાત કૃષ્ણકુંજ સોસાયટી અને હાલ છાણી હરીભાઈ એસ્ટેટમાં રહેતા 46 વર્ષીય જગદીશભાઈ રસિકભાઈ ઠક્કર દુમાડ જેઓ લોજિસ્ટિક નામની ટ્રાન્સપોર્ટ ઓફિસમાં નોકરી કરે છે. તેમના મોટા ભાઈ લાલજીભાઈ ઠક્કરની દીકરીના લગ્ન ઈલોરાપાર્ક આમ્રકુંજ સો.માં રહેતા અને કાન્હા ગ્રુપના બિલ્ડર ધવલ ઠક્કર સાથે થયા હતા. પરંતુ લગ્નનના થોડા સમયમાં ધવલ તેની પત્નીને દારુ પીને માર મારતો હતો. જેના ત્રાસથી પત્ની અવારનવાર તેના પીયર જતી રહેતી હતી. જેથી તેના કાકા સસરાએ ધવલને સમજાવવાનો પ્રયાસ કર્યો ત્યારે તેને બોલાચાલી કરી હતી. જેનો ખાર રાખીને ગત 26 તારીખે જ્યારે જગદીશભાઈ તેમના રુમ પર હતા ત્યારે ધવલ અને તેના મિત્રો રાત્રે પોણા બાર વાગ્યાની આસપાસ છ બાઇક અને એક મર્સિડિઝ કાર લઈને આવ્યા હતા અને ધવલે તેના મિત્રોને કહ્યું કે, કહ્યું હતું કે, સુનિલ, વૈભવ, શંભુ, આ જગદીશ છે, તમે તેને સીધો કરી દો. જેથી તેના મિત્રોએ જગદીશભાઈ પર ધોકા વળે હુમલો કરી દીધો હતો.

ફરિયાદ નોંધાતા ધવલ ઠક્કર ફરાર

જે બાદ તેઓ ત્યાંથી ભાગી ગયા હતા. આ હુમલામાં જગદીશભાઈને ગંભીર ઈજા પહોંચતા તેમને 108 એમ્બ્યુલન્સમાં સારવાર માટે સયાજી હોસ્પિટલ લઈ જવાયા હતા. આ મામલે હાલ છાણી પોલીસે ગુનો નોંધીને તપાસ શરૂ કરી હતી. ત્યારે બીજી તરફ ધવલ ફરાર થઈ ગયો હતો.

હુમલાના CCTV આવ્યા સામે

જગદીશભાઈ પર હુમલાની ઘટનાના સીસીટીવી પણ સામે આવ્યા છે. જેમાં ધવલ ઠક્કરના માણસો તેના કાકા સસરાને માર મારતા નજરે પડી રહ્યા છે.

ધવલ ઠક્કરના ભાઈ સામે દુષ્કર્મની ફરિયાદ

પ્રાથમિક તપસમાં જાણવા મળ્યું છે કે, ધવલ ઠક્કર કાન્હા ગ્રુપનો છે. બિલ્ડર નવલ ઠક્કર તેમના ભાઈ છે. તેના ભાઈ નવલ પર યુવતીને લગ્નની લાલચ આપી દુષ્કર્મ આચર્યું હોવાની ફરિયાદ નોંધાઈ હતી.