Sports News: ભારતે જીતેલી એશિયા કપ 2025ની ટ્રોફી હજુ ભારતને મળી નથી. ભારતે ગત તા. 28 સપ્ટેમ્બરના રોજ ફાઇનલમાં પાકિસ્તાનને હરાવીને ખિતાબ પોતાના નામે કર્યો હતો, જોકે, ભારતીય ટીમ દુબઈથી ટ્રોફી લીધા વિનાજ પરત ફરી હતી.
હવે પીસીબી (PCB) ચીફ મોહસિન નકવી ટ્રોફી આપતા નથી અને આ મુદ્દો વિવાદમાં છે. ત્યારે આ બધા વચ્ચે એશિયન ક્રિકેટ કાઉન્સિલ દ્વારા એશિયા કપ રાઈઝિંગ સ્ટાર્સ ચેમ્પિયનશિપનું આયોજન કરવામાં આવ્યું છે જેમાં ભારત અને પાકિસ્તાનનો ફરી મુકાબલો થવાનો છે. આગામી તા.14 થી 23 દરમિયાન કતારના દોહામાં વેસ્ટ એન્ડ ઈન્ટરનેશનલ ક્રિકેટ સ્ટેડિયમ ખાતે આ મેચ રમાશે. જેમાં તા.16 નવેમ્બરે ભારત અને પાકિસ્તાન વચ્ચે ટક્કર થવાની છે.
અગાઉ ઈમર્જિંગ એશિયા કપ તરીકે ઓળખાતી આ ટુર્નામેન્ટમાં કુલ આઠ ટીમો ભાગ લેશે જેમાં ભારત, પાકિસ્તાન, અફઘાનિસ્તાન, શ્રીલંકા, બાંગ્લાદેશ, ઓમાન, UAE અને હોંગકોંગ. ભારત અને પાકિસ્તાનને એક જ ગ્રુપમાં રાખવામાં આવ્યા છે.
પાંચ ટેસ્ટ રમી રહેલા એશિયન રાષ્ટ્રો તેમની ‘A’ ટીમો મેદાનમાં ઉતારશે, જ્યારે UAE, ઓમાન અને હોંગકોંગ તેમની સિનિયર ટીમો સાથે ચેમ્પિયનશિપમાં ભાગ લેશે. કુલ 15 T20 મેચ રમાશે. ભારત, પાકિસ્તાન, ઓમાન અને UAEને એક ગ્રુપમાં રાખવામાં આવ્યા છે. બીજા ગ્રુપમાં બાંગ્લાદેશ, શ્રીલંકા, અફઘાનિસ્તાન અને હોંગકોંગની ટીમોનો સમાવેશ થાય છે. ટુર્નામેન્ટ ફોર્મેટમાં સુપર ફોર સ્ટેજનો સમાવેશ થતો નથી. દરેક ગ્રુપમાંથી ટોચની બે ટીમો સેમિફાઈનલમાં પહોંચશે. 2024 ટુર્નામેન્ટમાં અફઘાનિસ્તાન ચેમ્પિયન બન્યું હતું.
ગઈ સિઝનમાં ભારતીય ટીમમાં અભિષેક શર્મા, રાહુલ ચહર, પ્રભસિમરન સિંહ, સાઈ કિશોર અને અંશુલ કંબોજ જેવા ખેલાડીઓનો સમાવેશ થતો હતો. તિલક વર્માને ટીમનો કેપ્ટન બનાવવામાં આવ્યો હતો. આ વર્ષની રાઈઝિંગ સ્ટાર્સ ટુર્નામેન્ટ માટે ભારતીય ટીમની પસંદગી કરવામાં આવી છે, જેમાં વૈભવ સૂર્યવંશીનો પણ સમાવેશ થાય છે. BCCI આગામી દિવસોમાં સંપૂર્ણ ટીમની જાહેરાત કરનાર છે.
આ પણ વાંચો:
Vadodara: પંચામૃત રેસિડેન્સીના પાર્કિંગમાં મગરની એન્ટ્રી, રાત્રે મચ્યો હડકં
Busuness: વર્ષ 2025માં સોનું મોંઘુ થતાં ખરીદી ઘટી; માંગમાં 16 ટકા ઘટાડો નોંધાયો!
Gujarat news: ગુજરાતના બે સ્મશાનગૃહોની હૃદયવિદારક તસવીરો, ગોદડા બાળી- પતરું રાખી કરવી પડી અંતિમ વિધિ
