તાજેતરમાં PM નરેન્દ્ર મોદીએ બિહારમાં યોજાયેલી એક જાહેર સભામાં યુવાનોને સંબોધતા આપેલા નિવેદનથી દેશના રાજકારણમાં એક નવો વિવાદ છેડાયો છે. PM મોદીએ તેમની સરકારની સિદ્ધિ ગણાવતા કહ્યું હતું કે, “અમે યુવાનોને સસ્તો ડેટા પૂરો પાડ્યો છે, જેના કારણે યુવાનો રીલ્સ બનાવીને પોતાની ક્રિએટિવિટી દર્શાવી રહ્યા છે અને પૈસા કમાઈ રહ્યા છે.” જો કે આ નિવેદનને લઈ કોંગ્રેસ નેતા રાહુલ ગાંધી મોદી પર જબરજસ્ત નિશાન સાધ્યું છે.
नरेंद्र मोदी ने बिहार आकर युवाओं से कहा- हमने आपको सस्ता डेटा दिया है, ताकि युवा रील बनाकर पैसा कमा सकें
जबकि सच यह है कि Reel, 21वीं सदी का नशा है. जब आप रील देखते हो तो पैसा अडानी-अंबानी और जियो की जेब में जाता है
जो काम पहले शराब, ड्रग्स से होता था, वो आज Reel से हो रहा है.… pic.twitter.com/j8QTg0hQsc
— Supriya Shrinate (@SupriyaShrinate) November 6, 2025
રાહુલ ગાંધીનો આકરો પ્રહાર: ‘રીલ્સ એ 21મી સદીનું વ્યસન’
વડાપ્રધાનના આ નિવેદન પર કોંગ્રેસના નેતા રાહુલ ગાંધીએ આકરી પ્રતિક્રિયા આપી છે. રાહુલ ગાંધીએ વડાપ્રધાનના ઈરાદા પર સવાલ ઉઠાવતા કહ્યું કે, “રીલ્સ એ 21મી સદીનું વ્યસન છે.”
તેમણે આરોપ લગાવ્યો કે, જ્યારે યુવાનો રીલ્સ જુએ છે, ત્યારે તેના પૈસા ભારતના મોટા ઉદ્યોગપતિઓ, ખાસ કરીને અદાણી, અંબાણી અને જિયોના ખિસ્સામાં જાય છે. રાહુલ ગાંધીએ વધુમાં કહ્યું, “જે પહેલા દારૂ અને ડ્રગ્સ સાથે થતું હતું, તે હવે રીલ્સ સાથે થઈ રહ્યું છે. રીલ્સ માત્ર યુવાનોનો સમય બગાડી રહી છે અને તેમને વ્યસની બનાવી રહી છે.”
યુવાનોને રીલ્સ નહીં, રોજગારની જરૂર આપો
રાહુલ ગાંધીએ સ્પષ્ટપણે કહ્યું કે, બિહારના યુવાનોને રીલ્સ (મનોરંજન) નહીં, પરંતુ રોજગારની તાતી જરૂર છે. બેરોજગારીના મુદ્દાને ઉઠાવતા તેમણે સરકાર પર યુવાનોનું ધ્યાન વાસ્તવિક સમસ્યાઓથી ભટકાવવાનો આક્ષેપ કર્યો.
રીલ્સથી કમાણીનું વાસ્તવિક ચિત્ર શું છે?
વડાપ્રધાનના નિવેદનને ટેક્નોલોજીના સકારાત્મક ઉપયોગ અને આત્મનિર્ભરતાના દૃષ્ટિકોણથી જોવામાં આવે છે, જ્યારે રાહુલ ગાંધીના નિવેદનને બેરોજગારીના ગંભીર મુદ્દાને ઉજાગર કરવાના રાજકીય પ્રયાસ તરીકે જોવામાં આવે છે. બંને પક્ષો યુવાનોને આકર્ષવાનો પ્રયાસ કરી રહ્યા છે, પરંતુ તેમના એજન્ડા અલગ-અલગ છે.
બિહાર જેવા રાજ્યમાં જ્યાં યુવાનોની વસ્તી ખૂબ મોટી છે અને બેરોજગારી એક મોટો પડકાર છે, ત્યાં આ ‘રીલ્સ vs રોજગાર’નો વિવાદ આગામી ચૂંટણીઓમાં એક મુખ્ય મુદ્દો બની શકે છે. સત્તાધારી પક્ષ જ્યાં ડિજિટલ માધ્યમોના ફાયદા ગણાવી રહ્યું છે, ત્યાં વિપક્ષ યુવાનોની વાસ્તવિક આર્થિક જરૂરિયાતો પર ભાર મૂકી રહ્યું છે.
આ પણ વાંચો:
Bihar Election: ‘તમારો વોટ પડી ગયો છે’, બિહારમાં મતદાન કર્યા વગર મતદારોને બહાર કાઢ્યા
