Junagadh: ગુજરાતમાં દારૂબંધીની કડક નીતિના પ્રચાર વચ્ચે જૂનાગઢ જિલ્લા જેલમાંથી એક વાયરલ પત્રે રાજકારણમાં તોફાન ઉભું કરી દીધું છે. બુટલેગર ભગુભાઈ ઉકાભાઈ જાદવ (ભાગા જાદવ) દ્વારા લખાયેલા આ કથિત પત્રમાં ઉના વિધાનસભાના ભાજપ ધારાસભ્ય કાળુભાઈ સી. રાઠોડને ગુજસીટોકના મુખ્ય આરોપી તરીકે દર્શાવીને દારૂના ગેરકાયદેસર ધંધામાં ભાગીદારીના સ્ફોટક આક્ષેપો લગાવાયા છે. પત્રમાં ૧૩થી વધુ કેસોમાં દમણથી દારૂ મંગાવવાની વિગતો તથા 29 લાખના બાકી હિસાબનો ઉલ્લેખ કરીને જામીન પછી હિસાબ સમજૂતી કરવાની વાત કરાઈ છે.
ઉનાના ભાજપના ધારાસભ્ય કાળુભાઈ જાદવની સ્ફોટક વિગતો સાથે જૂનાગઢની જેલમાંથી બુટલેગરે પત્ર લખ્યો છે. “મેં તમારા વિશ્વાસે ધંધો કર્યો હવે જેલમાં નાંખી દીધો.” pic.twitter.com/bhA1NaNBBy
— Dilip Patel દિલીપ પટેલ (@dmpatel1961) November 12, 2025
ઉનાના ભાજપ ધારાસભ્ય પર દારૂના ધંધાના ભાગીદારીના ગંભીર આક્ષેપ
આ પત્રમાં જણાવ્યા અનુસાર, ગીર-સોમનાથ જિલ્લાના બેડિયા ગામે SMC ની રેઇડમાં પકડાયેલા ભગુભાઈએ ધારાસભ્ય કાળુભાઈ રાઠોડ, યોગેશભાઈ કરણભાઈ રાઠોડ, સંખેડા ગામના સરપંચ રવિભાઈ રાઠોડ તથા ખાણ-અંભર ગામના વિજયભાઈ ડેગમ પરમારને ભાગીદારો ગણાવ્યા છે. દમણથી સમુદ્રી માર્ગે રાજપરા, નવાબંદર અને સીગર બંદર પર દારૂ ઉતારીને વેચાણનો ધંધો ચલાવવામાં આવતો હતો. સરપંચની ચૂંટણીમાં 29 લાખના ખર્ચા અને અન્ય હિસાબોના બાકીના પૈસા પરત આપવાની વચનબદ્ધતા વ્યક્ત કરીને ભગુભાઈએ પરિવારને હેરાનગતિ ન કરવાની વિનંતી કરી છે.
પત્ર વાયરલ થતા ઉઠ્યા સવાલ
તેઓએ લખ્યું, “આપના વિશ્વાસે ધંધો કર્યો, હવે જેલમાં નાખી દીધા. જામીન પછી હિસાબ પુરો કરીશું, મિલકત વેચીને પણ.”આ પત્ર 12 નવેમ્બરે સોશિયલ મીડિયા પર વાયરલ થયો, જેના કારણે ગીર-સોમનાથ અને ઉના જિલ્લામાં ચર્ચા ચાલી રહી છે. આ માવલે ભાજપે હજુ સત્તાવાર વક્તવ્ય આપ્યું નથી. આ કેસમાં પોલીસ અને વહીવટી અધિકારીઓની તપાસથી સ્પષ્ટતા આવશે, કારણ કે આવા આક્ષેપો દારૂબંધીની કાયદાકીયતા પર સવાલો ઉભા કરે છે.
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
