AHMEDABAD AIR POLLUTION | દેશની રાજધાની દિલ્હીમાં સતત વધી રહેલા ઍર પોલ્યુશનને પગલે નાના બાળકોથી માંડી તમામ ઉંમરના લોકોના ફેફસા ખરાબ થઈ રહયા છે અને તે અંગે આરોગ્ય વિભાગ અને જાણીતા ડોકટરો દ્વારા વારંવારની ચેતવણી આપવામાં આવી છે, તેમછતાં કોઈ સુધારો આવ્યો નથી ત્યારે હવે ગુજરાતના મેટ્રો શહેર અમદાવાદની પણ સ્થિતિ દિલ્હી જેવી બનતી જઈ રહી છે અને
સતત હવા ઝેરી બની ગઈ છે સાથેજ AQI વધીને 212ને પાર થઈ ચૂક્યો છે અહીં સળંગ ત્રીજા દિવસે આવી ખરાબ સ્થિતિ જોવા મળતા લોકોમાં હવે ચિંતા પ્રસરી છે. અમદાવાદ શહેરમાં હવાની ગુણવત્તા માપવા માટેનો એર ક્વોલિટી ઇન્ડેક્સ (AQI) સતત ચિંતાજનક સ્થિતિમાં જોવા મળ્યો છે.
એક દિવસ પહેલા એટલે કે ગુરુવારે રાત્રે શહેરમાં થલતેજ વિસ્તારમાંજ 300 AQI નોંધાયો જ્યારે અન્ય વિસ્તારોમાં સરેરાશ AQI 212 પર પહોંચ્યો હતો. સાંજ 6 વાગ્યા બાદ AQIનું સ્તર ચિંતાજનક રીતે વધવા લાગે છે અને રાત્રિના 8 વાગ્યે આ આંકડો 212 સુધી પહોંચી જાય છે.
અમદાવાદમાં દિવાળીના કારણે હવામાં પ્રદૂષણમાં વધારો જોવા મળ્યો હતો જે બાદ હવે પરિસ્થિતી એવી બની રહી છે કે અમદાવાદમાં પ્રદૂષણ ભયજનક સ્તરે પહોંચી ગયું છે. મળતી વિગતો પ્રમાણે અમદાવાદાના મોટાભાગના વિસ્તારોમાં પ્રદૂષણનો આંક 212ને પાર પહોંચી ગયો છે.
અમદાવાદની હવાની ગુણવત્તા મુંબઈ, બેંગ્લોર, ચેન્નાઈ અને હૈદરાબાદ કરતાં પણ વધારે ખરાબ શ્રેણીમાં નોંધાઈ રહી છે તેની સામે મુંબઈમાં AQI 148 હતો. 407ના AQI સાથે દિલ્હી દેશમાં સૌથી વધુ પ્રદૂષિત હવા ધરાવતું શહેર રહ્યું હતું.
અમદાવાદમાં હવે પ્રદૂષિત હવાના કારણે શ્વાસની સમસ્યા ધરાવતા દર્દીઓ તકલીફોનો સામનો કરી રહયા છે ત્યારે આવા દર્દીઓ, વૃદ્ધો અને બાળકોને બહાર નીકળતી વખતે માસ્ક પહેરવા ઉપર ઉપર ભાર મુકાઈ રહ્યો છે,આ માટે દરેકે પોતેજ આગળ આવવું પડે તેવી સ્થિતિ છે, પોલ્યુશન કંટ્રોલ બોર્ડના આંકડા મુજબ, અમદાવાદમાં વાયુ પ્રદૂષણ ચિંતાજનક સ્થિતિ પર છે અને એર ક્વોલિટી ગંભીર બની રહી છે ત્યારે હવે શહેરીજનોના સ્વાસ્થ અંગે અનેક સવાલો ઉઠી રહયા છે.
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
