■અહીં તંત્રની છત્રછાયા હેઠળ ચાલતા ગેરકાયદે ધંધા ઉપર કોના આર્શીવાદ? દારુ-ડ્રગ્સ-દેહ વિક્રિય સહિત ડીઝલ,ગેસમાં ભેળસેળની પ્રવૃત્તિઓ ફૂલીફાલી
■સરકારી જમીનો ઉપર ગેરકાયદે બનેલી અનેક હોટલો ઉપર બુલડોઝર ફરી વળ્યું!
Hotel demolition: અમદાવાદ-રાજકોટ નેશનલ હાઈવે પર આવેલ હોટલોમાં ગેરકાયદેસર તેમજ અસામાજીક પ્રવૃતિઓ વધી હોવાની ફરિયાદોને ધ્યાને લઈ લીંબડી પોલીસ ડિવિઝન હેઠળ હાઈવે પર આવેલ તમામ હોટલના માલિકો અને સંચાલકો સામે પોલીસે કાર્યવાહી હાથ ધરી છે.
જિલ્લામાંથી પસાર થતા નેશનલ હાઈવે જેમાં લીંબડી-ચોટીલા નેશનલ હાઈવે પર આવેલી હોટલોમાં વાહનોમાંથી કિંમતી કેમિકલ અને પેટ્રોલ-ડીઝલની ચોરી, બાયોડિઝલનું વેચાણ, ઇંગ્લિશ દારૃનું કટિંગ અને હેરાફેરી સહિતની અસામાજીક પ્રવૃત્તિઓ વધી રહી હોવાની ફરિયાદો ઉઠવા પામી છે.
હાઈવે પરની હોટલો, ગેસ્ટ હાઉસ અને ધાબાના સંચાલકો સાથે મહત્વની બેઠક યોજાઈ હતી. હાઈવે પર ચાલતા ડીઝલ, કેમિકલ, ગેસ અને સળિયા જેવા બે નંબરના ધંધાઓ પર અંકુશ લાવવા માટે આ પગલું લેવાયું છે.હોટલ સંચાલકોએ હવેથી ફરજિયાતપણે રજીસ્ટર રાખવું પડશે, જેમાં વાહનચાલકનું નામ, સરનામું, મોબાઈલ નંબર અને વાહન ક્યાંથી આવ્યું તથા ક્યાં જવાનું છે તેની વિગતવાર નોંધ સમય સાથે કરવાની રહેશે.
ચોટીલા હાઈવે પર ગેરકાયદે પ્રવૃત્તિઓની શંકાને આધારે ડેપ્યુટી કલેકટર એચ. ટી. મકવાણા દ્વારા મંગળવારે રાત્રે આકસ્મિક તપાસ હાથ ધરવામાં આવી હતી. 4 નવેમ્બરે થયેલી આ કાર્યવાહીનો મુખ્ય હેતુ હાઈવે પરની હોટલોમાં કોઈ ગેરકાનૂની પ્રવૃત્તિઓ ચાલી રહી છે કે કેમ તેની ચકાસણી કરવાનો હતો.બાયોડીઝલ, કેમિકલ અને દેશી દારૂ જેવી ગેરકાયદે પ્રવૃત્તિઓ ચાલતી હોવાના કિસ્સાઓ સામે આવ્યા છે.
જિલ્લા પોલીસ વડા પ્રેમસુખ ડેલુએ લીંબડી પોલીસ મથકની મુલાકાત લીધી હતી અને હાઈવે પર ચોટીલા, નાની મોલડી, સાયલા, લીંબડી, પાણશીણા પોલીસ મથકની હદમાં આવેલી અંદાજે ૨૦૦થી વધુ હોટલના માલિકો અને સંચાલકોને સુરેન્દ્રનગર એલસીબી કચેરીમાં બોલાવવામાં આવ્યા હતા અને પોલીસ અધિકારીઓ દ્વારા કડક સુચનાઓ આપી ફરજિયાત સીસીટીવી કેમેરાના કાયદાનું પાલન કરવા અને હોટલમાં જો કોઈપણ પ્રકારની અસામાજીક પ્રવૃતિઓ ચાલી રહી હોય તો તે તાત્કાલિક બંધ કરી દેવાની પણ તાકીદ કરી હતી અને તેમ છતાંય કોઈપણ હોટલમાં અસામાજીક પ્રવૃતિઓ ઝડપાશે તો હોટલના માલિક સહિત સંચાલક સામે કડક અને કાર્યવાહી કરવાની પણ તાકીદ કરી હતી.
સુરેન્દ્રનગર જિલ્લાના ચોટીલા પોલીસ સ્ટેશન વિસ્તારમાં નેશનલ હાઈવે પર આવેલી બે હોટલો દ્વારા સરકારી જમીન પર કરાયેલા ગેરકાયદેસર દબાણો પર વહીવટી તંત્ર અને પોલીસે કડક કાર્યવાહી કરી છે.આ કાર્યવાહીમાં અંદાજે 10 એકર જેટલી કિંમતી સરકારી જમીન દબાણમુક્ત કરવામાં આવી છે.આ અંગે સિનિયર પત્રકાર દિલીપ પટેલે ત્યાંના સ્થાનિક પત્રકાર રાજુદાન ગઢવી સાથે વાત કરી વાસ્તવિકતા જાણવાનો પ્રયાસ કર્યો હતો જેમાં ચોંકાવનારી વિગતો સામે આવી હતી. જુઓ વિડીયો
આ પણ વાંચો:
Bauxite mineral theft: ખેડાના અમૃતપુરા ગામે 62 હેક્ટર ગૌચરની જમીનમાંથી કોલસો ખોદાશે!
