Iran Protest: ઈરાનમાં મોંઘવારી સહિતના મુદ્દે લોકો રસ્તા ઉપર ઉતર્યા છે અને બળવો ફાટી નીકળતા અશાંતિનો માહોલ છે,ઠેરઠેર આગચંપીના બનાવો બની રહયા છે. ઇરાનના 50 શહેરોમાં મોંઘવારી અને દેશની કરન્સીના ઘટી રહેલા ભાવને લઈને મોટા પાયે વિરોધ પ્રદર્શન થઈ રહ્યા છે.
પ્રદર્શનો દરમિયાન હિંસામાં અત્યાર સુધીમાં 39 લોકોના મોત થયા છે પરિણામે ટેલિફોન-ઈન્ટરનેટ સેવાઓ બંધ કરી દેવામાં આવી છે.
દરમિયાન જગત જમાદાર ટ્રમ્પ ઇરાનની જનતાના સમર્થનમાં આવ્યા છે અને કહ્યું છે કે ‘લોકોને વિરોધ કરવાનો હક્ક છે,જો કોઈ જનતાનો અવાજ દબાવવાનો પ્રયાસ કરશે તો છોડીશું નહિ!’
ઈરાનમાં બે અઠવાડિયાથી મોંઘવારી અને દેશની કરન્સી તળિયે જતા વિરોધ પ્રદર્શનો ચાલી રહ્યા છે.ઈરાનના દેશનિકાલ કરાયેલા ક્રાઉન પ્રિન્સ રેઝા પહલવીએ લોકોને પોતાના ઘરની બહાર આવીને ઇસ્લામિક શાસન વિરુદ્ધ પ્રદર્શન કરવાની અપીલ કરી ત્યારે વિરોધ પ્રદર્શનો વધુ તીવ્ર બન્યા.
રેઝા પહલવીની અપીલ બાદ, મોટી સંખ્યામાં લોકો રસ્તાઓ પર ઉતરી આવ્યા હતા.આ દરમિયાન, ઈરાની સરકારે રસ્તાઓ ઉપર ઉતરેલા લોકોને હઠવવા સુરક્ષા દળો તૈનાત કર્યા છે.અહેવાલ છે કે ઈરાનના ઓછામાં ઓછા 50 શહેરોમાં મોટા પાયે વિરોધ પ્રદર્શનો થઈ રહ્યા છે. લોકો રસ્તાઓ પર ઉતરી રહ્યા છે અને ઈરાની શાસન વિરુદ્ધ સૂત્રોચ્ચાર કરી રહ્યા છે.
સૌથી નોંધપાત્ર વાત એ છે કે પ્રદર્શનો દરમિયાન રેઝા પહલવીના સમર્થનમાં સૂત્રોચ્ચાર કરવામાં આવી રહ્યા છે, જ્યારે અત્યાર સુધી શાહના સમર્થનમાં સૂત્રોચ્ચાર કરવા પર મૃત્યુદંડની સજા હતી. અમેરિકા સ્થિત હ્યુમન રાઇટ્સ એક્ટિવિસ્ટ્સ ન્યૂઝ એજન્સી અનુસાર, પ્રદર્શનો દરમિયાન થયેલી હિંસામાં અત્યાર સુધીમાં 39 લોકોએ જીવ ગુમાવ્યા છે, જ્યારે 2,260 થી વધુ લોકોની અટકાયત કરવામાં આવી છે.બીજી તરફ ટ્રમ્પે ઈરાની લોકોનું ખુલ્લું સમર્થન કર્યું છે અને કહ્યું કે જો તેમનો અવાજ દબાવવાનો કોઈ પ્રયાસ કરવામાં આવશે તો અમે તેમને છોડીશું નહીં.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
