●The Great Gambler ફેઈમ અમિતાભ બચ્ચને ગુજરાતના રિયલ એસ્ટેટમાં કરેલું રોકાણ ફાયદામાં રહ્યું!
Gift City: ગાંધીનગરમાં ‘ગિફ્ટ સીટી’જ્યાં બન્યું છે તેની બરાબર સામે બોલીવુડ સુપરસ્ટાર અમિતાભ બચ્ચને ₹ 7 કરોડમાં 14 વિઘા જમીન ખરીદી હતી ત્યારે તેઓને અંદાજ પણ ન્હોતોકે આ જમીનમાં કરેલું રોકાણ સોનાની લગડી સાબિત થશે.
આ જમીન 2011માં ચાંદલોડિયાના વિરમભાઈ રૂડાભાઈ ગમારા પાસેથી ABCLના એમ.ડી.રાજેશ ઋષિકેશ યાદવે બચ્ચનના પાવર ઓફ એટર્ની હોલ્ડર તરીકે ખરીદી હતી.
બચ્ચન પરિવારમાં તે સમયે એટલેકે તા.16 નવેમ્બર, 2011, બુધવારે પૌત્રી આરાધ્યના જન્મ પછીના સાત દિવસ બાદ 23 નવેમ્બર બુધવારે અમિતાભ બચ્ચને ગિફ્ટ સિટીની સામે શાહપુરમાં આ જમીન ખરીદી હતી, આમ, 2011ના નવેમ્બરના બે બુધવાર વાસ્તવમાં લક્ષ્મીની કૃપારૂપ સાબિત થઈ જતા હવે ત્રીજો પણ બુધવારનો દિવસ પસંદ કરી અભિષેક બચ્ચન અહીં મોટા એક પ્રોજેકટ માટે તૈયારીઓ શરૂ કરી છે.
નવું વર્ષ એટલે કે જાન્યુઆરી 2026ના બુધવારના રોજ અભિષેક બચ્ચને આ જમીન પર કોમર્શિયલ અને રેસિડેન્શિયલ પ્રોજેક્ટ બનાવવા માટે લોટસ ડેવલપર્સ સાથે એગ્રીમેન્ટ કર્યો છે.આ કરાર મુજબ ડિઝાઈન અને પ્લાનિંગ તથા બાંધકામ લોટસ ડેવલપર્સ કરશે પણ જમીન બચ્ચન પરિવારની માલિકી હક્ક રહેશે.
ઉલ્લેખનીય છે કે ₹ 7 કરોડમાં ખરીદેલી 23,169 સ્કવેર મીટર, એટલે કે 5.72 એકર(14 વીઘા) જમીન અંદાજે 210 કરોડની થઈ ગઈ છે, હાલમાં અહીં એક વિઘા જમીનનો ભાવ અંદાજે ₹15 કરોડ ચાલે છે,આમ 14 વર્ષમાં 203 રૂપિયાનો જમ્બો નફો થયો છે.
આમ,બચ્ચન પરિવારમાં આરાધ્યનો બુધવારે જન્મ થયો અને લક્ષ્મીના આગમન સાથે બુધવારે જમીનનો સોદો થયો ત્યારબાદ 203 કરોડનો નફો થયો હવે અત્યારની 210 કરોડની માર્કેટ વેલ્યુ ધરાવતી જમીન ઉપર લોટસ ડેવલપર્સ સાથે કરાર કરી પ્રોજેકટ આકાર લેવા જઈ રહ્યો છે અને તે દિવસ પણ બુધવાર પસંદ કરાયો છે બોલિવૂડના Gift City: The Great Gambler ફેઈમ અમિતાભ બચ્ચને ગુજરાતના રિયલ એસ્ટેટમાં કરેલું રોકાણ ફાયદામાં રહ્યું! The Great Gambler અમિતાભ બચ્ચનને રિયલ લાઈફમાં પણ નસીબનો સાથ મળ્યો છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
