Vadodara: વડોદરા શહેરની બરોડા મેડિકલ કોલેજની બીજા વર્ષમાં ભણતી કેટલીક વિદ્યાર્થીનીઓએ વાઇસ ડીન ડો. અમોલ ભાવે ઉપર ગંભીર આરોપ લગાવ્યો છે કે તેઓ વિદ્યાર્થિનીઓના હાથ પકડીને સતામણી કરતા હતા અને વિદ્યાર્થીનીઓનો હાથ પકડી તેમની આંગળીઓ પોતાના શરીરે ઘસાવી કહેતા હતા કે મને અહીં ક્રીમ લગાવેતો કેવું લાગે?
આ મામલે વિદ્યાર્થીનીઓ દ્વારા ડીન સમક્ષ લેખિતમાં રજૂઆત કરવામાં આવતાં ભારે હોબાળો મચી ગયો છે,બીજી તરફ વાઇસ ડીન ડો. અમોલ ભાવેએ પોતાના પર લગાવવામાં આવેલા આક્ષેપોને ખોટા ગણાવ્યા હતા જ્યારે ડીન પ્રો. ડો. રંજન ઐયરે આ મામલને ગંભીરતા લઈને તપાસ ચાલુ કરી છે અને તાત્કાલીક પગલાં ભરી ડો.અમોલને વાઈસ ડીન પદેથી બરતરફ કરી તેઓ પાસેથી પરીક્ષાને લગતું કામ પણ આંચકી લેવામાં આવ્યું છે સાથેજ મેડિકલ કોલેજના સત્તાધીશો 9 સભ્યની વુમન્સ હેરેસમેન્ટ કમિટી સમક્ષ મુદ્દો લઇ ગયા છે, જેની બેઠક આવતા સપ્તાહે મળનાર છે.
■ ડો.અમોલ વિરુદ્ધ 13થી વધુ વિદ્યાર્થિનીએ ફરિયાદ કરી છે.
બરોડા મેડિકલ કોલેજના બીજા વર્ષની વિદ્યાર્થિનીઓએ ફાર્મેકોલોજી વિભાગના સિનિયર પ્રોફેસર અને વાઇસ ડીન ડો.અમોલ ભાવે સામે લેખિતમાં ફરિયાદ નોંધાવી છે, જેમાં તેમણે કહ્યું હતું કે અનેક વિદ્યાર્થિની સાથે અશ્લીલ કહેવાય એવી હરકત કરી છે. તેમણે વિદ્યાર્થિનીઓનો હાથ પકડી ‘મને ક્રીમ અહીં લગાવે છે તો કેવું લાગે છે’ કહી પોતાના શરીરે વિદ્યાર્થિનીઓની આંગળીઓ ઘસાવી હતી,આ ઘટના બીજા વર્ષના પ્રેક્ટિકલ-વાઈવા દરમિયાન બની હતી.
જોકે ડો.અમોલનું કહેવું છે કે “મેં મારું એમબીબીએસ અને એમડી આજ કોલેજમાંથી કર્યું છે અને 28 વર્ષથી અહીં ફરજ બજાવું છું અગાઉ ક્યારેય મારી પર આવા આક્ષેપો થયા નથી,આ વિદ્યાર્થીનીઓ મારા સંતાનો જેવા છે અને છતાં જો તેઓને એવું લાગ્યું હોયતો માફી માંગુ છું”મીડિયા રિપોર્ટમાં આ મુજબ દાવો કરાયો છે,આ ઘટનાને લઇ ભારે હોબાળો મચી ગયો છે.
