■ અલી લારીજાએ કહ્યું હતું કે મારું મોત થઈ જાય ત્યારે લખજો કે”ખુદાનો બંદો,ખુદા પાસે પરત ફર્યો!”
Ali Larijani: ઈઝરાયલી એરસ્ટ્રાઈકમાં ઈરાનના સુપ્રીમ નેશનલ સિક્યુરિટી કાઉન્સિલના ચીફ લારીજાનીનું મોત થતાં ઈરાનીઓમાં ઈઝરાયેલ અને અમેરિકા વિરુદ્ધ માહોલ જોવા મળ્યો અને લારીજાનીની નીકળેલી અંતિમ યાત્રામાં જાણે કીડીયારું ઉભરાયું હોય તેમ હજારોની સંખ્યામાં ઈરાની નાગરિકો સામેલ થયા અને શ્રદ્ધાંજલિ આપી હતી.
લારીજાની ઈરાનના ટોચના શક્તિશાળી નેતાઓમાં ગણના થતી હતી તેઓ દેશની સુરક્ષા તથા રણનીતિનો મહત્વનો ચહેરો હતા,ઈઝરાયલની એરસ્ટ્રાઈકમાં લારીજાનીને મોતની ઈરાને પુષ્ટિ કરી હતી.
#WATCH | US-Israel vs Iran war | Thousands gathered to attend the funeral procession for Iranian Security Chief Ali Larijani in Tehran, Iran.
(Source: Reuters) pic.twitter.com/qE9IVXUhyi
— ANI (@ANI) March 18, 2026
■ અલી લારીજાનીએ પોતાની શહાદતનો સંદેશ પહેલેથી જ નક્કી કરી દીધો હતો
ઈઝરાયેલ અને અમેરિકા સામે ચાલુ રહેલા યુદ્ધને લઈ લારીજાનીને ખબર હતી કે લડતા લડતા ગમેત્યારે મૃત્યુ થઈ શકે છે અને તેમણે પોતે જ નજીકના સહયોગીઓને જણાવ્યુ હતું કે તેમના નિધનના સમાચાર કેવી રીતે લખવામાં આવે, સહયોગીએ કહ્યું કે જ્યારે તેમને પૂછવામાં આવ્યું કે જો લડતા લડતા તમે શહીદ થઈ જાવ તો મૃત્યુ સંદેશની શરૂઆત કેવી રીતે કરવી ?, ત્યારે લારીજાનીએ હસતા હસતા કહ્યું હતું-“લખજો કે ખુદાનો બંદો, ખુદાની પાસે પરત ફર્યો!!”
દરમિયાન,રશિયાએ ઈરાનના નેતા અલી લારીજાનીની હત્યાની સખત શબ્દોમાં નિંદા કરી હતી. રાષ્ટ્રપતિ કાર્યાલય ક્રેમલિનના પ્રવક્તા દિમિત્રી પેસ્કોવએ જણાવ્યું કે કોઈપણ સંપ્રભુ દેશના નેતૃત્વને નિશાન બનાવવું ખોટું છે અને આ પ્રકારની કાર્યવાહી સ્વીકાર્ય નથી, તેમણે કહ્યું કે રશિયા એવા તમામ પગલાંની નિંદા કરે છે, જેનો ઉદ્દેશ્ય કોઈ દેશના નેતાઓને નુકસાન પહોંચાડવાનો અથવા તેમને ખતમ કરવાનો હોય.
આમ,અલી લારીજાનીની હત્યા બાદ લોકોમાં દેશપ્રેમની લાગણી જન્મી છે અને લોકો ઈઝરાયેલ અને અમેરિકા વિરુદ્ધ જોવા મળી રહયા છે, અગાઉ અમેરિકાને એમ હતું કે ઈરાનમાં સત્તા પરિવર્તન માટે અમેરિકી હુમલા લોકો અવકારશે પણ સ્કૂલ ઉપર થયેલા હુમલામાં નિર્દોષ બાળકીઓની સામુહિક હત્યા અને નાગરિકોના થઇ રહેલા મોત બાદ હવે લોકોમાં રોષ ફેલાયો છે અને ઇરાનના નેતાઓના મોતથી લોકોમાં ગુસ્સો જોવા મળી રહ્યો છે અને એટલે જ અલી લારીજાનીના અંતિમ સંસ્કારમાં હજ્જારો લોકો જોડાયા હતા.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
