Mini storm: રાજ્યમાં સાયકલોનિક સર્ક્યુલેશન,વેસ્ટર્ન ડિસ્ટર્બન્સ સક્રિય થતા વરસાદી માહોલ સર્જાયો છે સમગ્ર રાજ્યમાં ધૂળની ડમરી સાથે ભારે પવન અને કડાકા ભડાકા સાથે વરસાદ થયો છે.વડોદરામાં પણ સાંજના સમયે ધૂળની ડમરીઓ ઉડવા સાથે ગાજવીજ સાથે વરસાદી છાંટણા થયા હતા.રાજ્યમાં કચ્છ, અમદાવાદ, મોરબી, રાજકોટ સહિત અનેક જિલ્લાઓમાં સાંજે 4 વાગ્યા બાદ માવઠું અને ભારે પવન ફૂંકાયો હતો.
કચ્છના વાગડ અને પશ્ચિમ કચ્છમાં ગત રાત્રે પણ ભારે પવન ફૂંકાયો હતો બાદ આજે સાંજે પણ ભારે પવન ફૂંકાયો હતો અને કરા સાથે વરસાદ પડ્યો હતો. કંડલામાં ભારે પવનના કારણે મોબાઈલ ટાવર જમીનદોસ્ત થયો તો કંડલા પોર્ટ પર ભારે નુકસાન થયુ તો નખત્રાણા, લખપત અને અબડાસા વિસ્તારમાં વરસાદ થયાના અહેવાલ છે.
ગોંડલ, જેતપુર, ધોરાજી અને ઉપલેટા પંથકમાં પણ ભારે પવન સાથે વરસાદ થયો હતો અને અનેક જગ્યાએ વૃક્ષો ધરાશાયી થયા હતા.રાજકોટમાં અંદાજે 1 ઈંચ જેટલો વરસાદ થયો જ્યારે દેવભૂમિ દ્વારકાના ઓખામંડળ તાલુકામાં વરસાદ પડ્યો જામનગરમાં 66KVનો વીજપોલ જમીનદોસ્ત થયો હતો જ્યારે લાલપુર તાલુકામાં તેમજ કચ્છના મુંદ્રા તાલુકામાં વરસાદ પડ્યો હતો. કચ્છમાં ભુજ, નખત્રાણા, અબડાસા અને લખપત ત્રણેય તાલુકાઓમાં વરસાદ નોંધાયો છે.
મોરબી જિલ્લામાં ભારે પવન સાથે વરસાદ થયો,માળિયા મિયાણાના રાયસંગપર પાસે 400 કેવીનો વીજ ટાવરને નુકશાન થતાં વીજ પુરવઠો ખોરવાયો હતો, વરસામેડી પંથકમાં વરસાદ પડયો હતો.બનાસકાંઠાના થરા અને વડા સહિતના ગ્રામ્ય વિસ્તારોમાં વરસાદ પડ્યો હતો જ્યારે મોરબી, સુરેન્દ્રનગર, બોટાદ, ભાવનગર, બનાસકાંઠા, સાબરકાંઠા, મહેસાણા, અમદાવાદ, ગાંધીનગર, અરવલ્લી અને મહીસાગર જિલ્લામાં ભારે પવન સાથે ક્યાંક ક્યાંક વરસાદના અહેવાલ છે ખેડા, આણંદ, વડોદરા, પંચમહાલ, દાહોદ, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ જિલ્લામાં યલો ઍલર્ટ જાહેર કરવામાં આવ્યું છે.આમ રાજ્યભરમાં વાતાવરણમાં પલટો આવવા સાથે વાતાવરણમાં ઠંડક પ્રસરી છે સાથે સાથે ખેતીમાં વ્યાપક નુકશાન થયાના અહેવાલો છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
