Donald Trump: અમેરિકા-ઇઝરાયલ અને ઇરાન યુદ્ધનો 25મો દિવસ થઈ ગયો છે જે ટ્રમ્પ એ મદ માં રાચતા હતા કે અમેરિકા સામે ઇરાનનું શુ આવે? બે અઠવાડિયામાં તો ઈરાનનો ગોટો વાળી દઈશ! પણ એવું થયું નહિ અને ઈરાન વળતા જોરદાર પ્રહાર કરી રહ્યું છે એટલુંજ નહિ પણ આખી દુનિયામાં તેલ-ગેસનો પુરવઠો રોકી દઈ વૈશ્વિક મંદી ઉભી કરી દીધી છે અને ઈઝરાયેલ ઉપર લાંબા અંતરની મિસાઈલ છોડી તે અણસાર પણ આપી દીધો કે તે ધારે તો ઈઝરાયેલના પરમાણુ મથકોને પણ ટાર્ગેટ કરી તબાહી મચાવી શકે છે તેથી હવે ટ્રમ્પ થાક્યા છે અને આખરે ચારેતરફથી ટીકાઓ શરૂ થતાં ટ્રમ્પે ઈરાન ઉપર હુમલાનું ઠીકરું સંરક્ષણ મંત્રી પીટ હેગસેથના માથા ઉપર ફોડી દીધું છે.
અમેરિકી રાષ્ટ્રપતિ ડોનાલ્ડ ટ્રમ્પે કહ્યું કે તેમણે સંરક્ષણ મંત્રી પીટ હેગસેથના કહેવા પર ઇરાન પર હુમલો કરવાનો આદેશ આપ્યો હતો, અલ જઝીરા અનુસાર, ટ્રમ્પે કહ્યું કે હેગસેથ ઈરાન વિરુદ્ધ સૈન્ય કાર્યવાહીના સમર્થનમાં સૌથી પહેલાઆગળ આવ્યા હતા. હેગસેથ માનતા હતા કે ઈરાનને પરમાણુ હથિયારો બનાવતા રોકવું જરૂરી છે, તેથી કાર્યવાહી કરવી જોઈએ જ્યારે પીટ હેગસેથે કહ્યું છે કે અમેરિકાનું લક્ષ્ય ઈરાનની મિસાઈલ, ડ્રોન અને નૌકાદળની તાકાતને ખતમ કરવાનું હતું.
જોકે ટ્રમ્પ સરકારમાં પણ આ મુદ્દે સંપૂર્ણ સહમતિ નથી. ટ્રમ્પે સ્વીકાર્યું કે ઉપરાષ્ટ્રપતિ જેડી વેન્સ આ નિર્ણયથી સંપૂર્ણપણે ખુશ નહોતા પરંતુ તેમણે ખુલ્લો વિરોધ પણ કર્યો નહોતો. જ્યારે કેટલાક અધિકારીઓએ યુદ્ધનું સમર્થન કર્યું, તો કેટલાક તેની વિરુદ્ધ હતા. આ દરમિયાન એક મોટા અધિકારીએ રાજીનામું પણ આપી દીધું હતું.આમ,ચારેબાજુથી ટીકાઓ શરૂ થતાં હવે ટ્રમ્પે ચોખ્ખું કહી દીધું છે કે ઈરાન ઉપર હુમલાનો પ્લાન મારો ન હતો પણ સંરક્ષણ મંત્રી પીટ હેગસેથનો હતો અને તેઓના આઈડિયા મુજબ હુમલો કર્યો હતો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
