Donald Trump: ઈરાન-અમેરિકા વચ્ચે પાકિસ્તાન માં યોજાયેલી શાંતિવાર્તા નિષ્ફળ રહી તે સમયે ઈરાને જે પહેલી શરત રાખી હતી તે ઈઝરાયેલ દ્વારા લેબનોન પર હુમલા બંધ કરવાની હતી તે શરત પૂર્ણ થઈ છે આખરે અમેરિકાના રાષ્ટ્રપતિ ડોનાલ્ડ ટ્રમ્પે લેબનોન અને ઇઝરાયલ વચ્ચે (Ceasefire) યુદ્ધવિરામની જાહેરાત કરી છે આ યુદ્ધવિરામ આજે સાંજે 5:00 વાગ્યે (EST) થી અમલમાં આવી ગયો છે.
ટ્રમ્પે (Truth Social) ટ્રુથસોશિયલ પરની એક પોસ્ટમાં યુદ્ધવિરામની જાહેરાત કરી હતી. પોસ્ટમાં ટ્રમ્પે લખ્યું હતું કે, “મેં લેબનોનના અત્યંત આદરણીય રાષ્ટ્રપતિ જોસેફ ઓન અને ઇઝરાયલના વડા પ્રધાન બેન્જામિન નેતન્યાહૂ સાથે વાતચીત કરી છે. આ બંને નેતાઓ સંમત થયા છે કે, તેમના દેશો વચ્ચે શાંતિ લાવવા માટે, તેઓ સત્તાવાર રીતે સાંજે 5 વાગ્યે EST વાગ્યે 10 દિવસનો યુદ્ધવિરામ શરૂ કરશે.”
ત્યારબાદ લેબનોનના રાષ્ટ્રપતિ જોસેફ આઉને ફોન પર યુએસ રાષ્ટ્રપતિ ડોનાલ્ડ ટ્રમ્પનો યુદ્ધવિરામના પ્રયાસો માટે આભાર માન્યો હતો રાષ્ટ્રપતિ કાર્યાલય અનુસાર બંને નેતાઓએ લેબનોનની વર્તમાન પરિસ્થિતિ પર ચર્ચા કરી. આઉને કહ્યું કે દેશમાં શાંતિ અને સ્થિરતા માટે વહેલો યુદ્ધવિરામ જરૂરી છે.
અમેરિકાની મધ્યસ્થતા હેઠળ, બંને દેશો વચ્ચે વોશિંગ્ટનમાં સીધી શાંતિ મંત્રણા યોજાઈ હતી, જે છેલ્લા 33 વર્ષોમાં પ્રથમ ઉચ્ચ સ્તરીય બેઠક માનવામાં આવે છે જેમાં 10 દિવસનો સીઝફાયર થયો છે અમેરિકાના વિદેશ મંત્રાલયના જણાવ્યા મુજબ ૧૯૯૩ બાદ બંને દેશો વચ્ચે પ્રથમ વાર સીધી ઉચ્ચ સ્તરીય બેઠક મળી હતી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
