Islamabad: પાકિસ્તાન વર્ષોથી સતત આર્થિક સંકટનો સામનો કરી રહ્યું છે અને આંતરરાષ્ટ્રીય નાણાકીય ભંડોળ (IMF) ની નજર હેઠળ છે. અહેવાલો અનુસાર, દેશનો ફુગાવાનો દર 7 થી 9 ટકાની વચ્ચે રહે છે અને તે સતત માળખાકીય નાણાકીય પડકારોનો સામનો કરી રહ્યો છે. પાકિસ્તાને ઈરાન-અમેરિકા વચ્ચે સમાધાન માટે મધ્યસ્થી કરી પણ જે હોટલમાં શાંતિવાર્તા કરી તે સેરેના હોટલનું બિલ ન ચૂકવી શકતા વિશ્વભરમાં ફજેતી થઈ છે.
પાકિસ્તાનમાં શાહબાઝ શરીફની સરકાર ઈરાન-અમેરિકા શાંતિ વાટાઘાટો માટે બુક કરાવેલી સેરેના હોટેલનું બિલ ચૂકવવામાં નિષ્ફળ ગઈ છે હોટલ માલિકને પોતાના ખિસ્સામાંથી બિલ ચૂકવવાની ફરજ પડી. પાકિસ્તાની પત્રકાર હામિદ મીરે એક કાર્યક્રમમાં આ વાતની પુષ્ટિ કરી હતી.
પાકિસ્તાને 10-12 એપ્રિલ દરમિયાન યોજાયેલી ઈરાન-અમેરિકા શાંતિ વાટાઘાટોને રાજદ્વારી સફળતા ગણાવી હતી, પરંતુ આ અહેવાલ પછી, તેને આંતરરાષ્ટ્રીય સ્તરે અપમાનનો સામનો કરવો પડી રહ્યો છે પાકિસ્તાન સરકાર ઇસ્લામાબાદની સેરેના હોટેલનું બિલ ચૂકવવામાં નિષ્ફળ જતાં દેશની પ્રતિષ્ઠા બચાવવા માટે હોટેલ માલિકે પોતેજ પૈસા ચૂકવી દીધા હતા CNN ન્યૂઝ 19ના અહેવાલ મુજબ, પરિસ્થિતિ એટલી ગંભીર બની ગઈ કે આગા ખાન ડેવલપમેન્ટ નેટવર્ક સાથે જોડાયેલા હોટેલ માલિકે દરમિયાનગીરી કરીને ખર્ચ ઉઠાવવો પડ્યો. આ ઘટનાએ પાકિસ્તાનના આર્થિક સંકટને ઉજાગર કર્યું છે.
પાકિસ્તાની સૈન્ય અને સરકારે ઇસ્લામાબાદ સમિટને એક સિદ્ધિ તરીકે રજૂ કરીને તેનો પ્રચાર કર્યો હતો. પાકિસ્તાન એ દર્શાવવા માંગતું હતું કે તેણે વોશિંગ્ટન અને તેહરાન વચ્ચે એક વિશ્વસનીય મધ્યસ્થી તરીકે સફળતાપૂર્વક પોતાને સ્થાપિત કરી લીધા છે. જોકે, સેરેના હોટેલમાં આ વાટાઘાટોનું આયોજન સ્થિરતા અને યોગ્યતાનો સંકેત આપવા માટે કરવામાં આવ્યું હતું. પરંતુ જે સરકાર રોજિંદા ખર્ચ પણ ન કરી શકે તે એક ભવ્ય હોટેલ કેવી રીતે પરવડી શકે?તે વાત સામે આવી ગઈ છે.
CNN News18 ને એક હાઈપ્રોફાઈલ સૂત્રોએ જણાવ્યું હતું કે, “એક મોટી આંતરરાષ્ટ્રીય ઘટના દરમિયાન આ મૂળભૂત ભૂલ સરકારની રોજિંદા સંચાલન ચૂકવણીને પૂર્ણ કરવામાં પણ અસમર્થતાને ઉજાગર કરે છે.” ટોચના ગુપ્તચર સૂત્રોએ આ ભૂલની ગંભીરતા પર ભાર મૂક્યો હતો, અને કહ્યું હતું કે યજમાન દેશ એક સરળ નાણાકીય જવાબદારી પૂરી કરવામાં નિષ્ફળ ગયો, ખાસ કરીને એવી ઘટના માટે જેના પર વિશ્વભરમાં નજર હતી.
■ગરીબીમાં જીવી રહ્યુ છે પાકિસ્તાન
પાકિસ્તાન વર્ષોથી સતત આર્થિક કટોકટીનો સામનો કરી રહ્યું છે અને આંતરરાષ્ટ્રીય નાણાકીય ભંડોળ (IMF) ની નજર હેઠળ છે. અહેવાલો સૂચવે છે કે દેશનો ફુગાવાનો દર 7-9 ટકાની વચ્ચે રહે છે અને તે સતત માળખાકીય નાણાકીય પડકારોનો સામનો કરે છે. હોટેલ બિલ ચૂકવવાની આ ઘટના એક મોટા સંકટનું પ્રતીક બની ગઈ છે. પાકિસ્તાન પોતાને એક મજબૂત મધ્યસ્થી તરીકે રજૂ કરવા માંગતું હતું, પરંતુ હવે તેની વિશ્વસનીયતા ગંભીર પ્રશ્નાર્થમાં છે. જેમ સૂત્રએ કહ્યું, “રાજદ્વારી જીતનો દાવો કરનાર દેશ હોટલ બિલ પણ ચૂકવી શકતો નથી.”તે ઘટના સામે આવતા વિશ્વભરમાં પાકિસ્તાનની ફજેતી થઈ રહી છે જોકે,તેમછતાં નવાઈની વાતતો એ છે કે પાકિસ્તાન બીજા તબક્કાની વાટાઘાટો માટે ઓફર કરી રહ્યું છે.
આપણે ત્યાં એક કહેવત છે “મુસાભાઈના વા અને પાણી”
મતલબ બીજાના પૈસે તાગડધિન્ના કરવાના આપણે ક્યાં ચૂકવવાના છે!
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
