Election: દેશ અને ગુજરાતમાં હાલ ચુંટણીઓનો માહોલ છે ત્યારે લોકશાહી પર્વ સમાન આ ચૂંટણીઓને નેતાઓએ મજાક બનાવી દીધી છે અને પારદર્શકતા ખોવાઈ ગઈ છે, હવેના સમયમાં ચુંટણીઓ દરમિયાન રાજકીય પક્ષો અને ઉમેદવારો દ્વારા કાળા નાણાં (Unaccounted Money)નો ધૂમ વપરાશ થવા સાથે ચૂંટણી પંચ (Election Commission) ને ખર્ચનો સચોટ હિસાબ ન આપવો એ લાંબા સમયથી ચર્ચાનો અને ચિંતાનો વિષય રહ્યો છે.
તાજેતરના અહેવાલો મુજબ, આ મુદ્દો સ્થાનિક સ્વરાજ્યની સંસ્થાઓથી લઈને લોકસભા સુધીની ચૂંટણીઓમાં જોવા મળે છે ભાજપ અને કોંગ્રેસ જેવા મુખ્ય રાજકીય પક્ષોએ સ્થાનિક સ્વરાજ્યની ચૂંટણીઓમાં ખર્ચના હિસાબ અને ઓડિટ રિપોર્ટ નિયત સમયમાં જમા કરાવ્યા ન હોવાના અહેવાલો છે RTI કાર્યકર્તા સંતોષસિંહ રાઠોડની તપાસમાં સામે આવ્યું છે કે ભાજપે 10 વર્ષથી વધુ સમયથી અને કોંગ્રેસે 8 વર્ષથી વધુ સમયથી ચૂંટણી ખર્ચના હિસાબ જમા કરાવ્યા નથી.
ચૂંટણીમાં ઉમેદવારો માટે ખર્ચની મર્યાદા (જેમ કે લોકસભા માટે 95 લાખ અને વિધાનસભા માટે 40 લાખ સુધી) હોવા છતાં, વાસ્તવમાં ઉમેદવારો અને પક્ષો આના કરતાં અનેકગણો વધુ ખર્ચ કરે છે ચૂંટણી પંચ દ્વારા કડક મોનિટરિંગ, ફ્લાઈંગ સ્ક્વોડ અને વાહનોની તપાસ કરવામાં આવે છે, તેમ છતાં પણ મોટી માત્રામાં રોકડ રકમ પકડાય છે, જે દર્શાવે છે કે મોટાપાયે કાળા નાણાંનો ઉપયોગ થઈ રહ્યો છે.
સુપ્રીમ કોર્ટે અગાઉ ચાલુ કરેલા ઇલેક્ટોરલ બોન્ડ્સને ગેરબંધારણીય જાહેર કર્યા હતા, જે રાજકીય ફંડિંગમાં પારદર્શિતા લાવવાને બદલે અસ્પષ્ટતા વધારતા હતા અને કાળા નાણાંને વ્હાઇટ કરવાના સાધન તરીકે ટીકા પામ્યા હતા ચૂંટણીઓમાં કાળા નાણાંનો આડેધડ ઉપયોગ લોકશાહીમાં સમાન તકો (Level Playing Field) ને નષ્ટ કરે છે અને સામાન્ય ઉમેદવારો માટે ચૂંટણી લડવી મુશ્કેલ બનાવે છે.
ચૂંટણી પંચ દ્વારા કડક સૂચનાઓ હોવા છતાં, રાજકીય પક્ષો દ્વારા ચૂંટણી ખર્ચના સચોટ આંકડા રજૂ કરવામાં અનિચ્છા અને કાળા નાણાંનો વ્યવસ્થિત ઉપયોગ એ ભારતીય ચૂંટણી પ્રક્રિયાના પારદર્શિતા સામે એક મોટો પડકાર બન્યું છે ત્યારે The Gujarat Reportના સિનિયર પત્રકાર દિલીપ પટેલે આ મુદ્દા ઉપર RTI કાર્યકર્તા સંતોષસિંહ રાઠોડ સાથે વાત કરી ત્યારે તેઓએ ચોંકાવનારા ખુલાસા કર્યા હતા,આ વીડિયો જોવાનું ચૂકશો નહિ,પ્રસ્તુત છે વિડીયો.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
