Bhavnagar: મોદી સાહેબ આવીને જતા રહેશે , ખેડૂતોની આ અવદશા કોણ જોશે?

Bhavnagar: હવામાન વિભાગની આગાહીને પગલે લાંબા વિરામ પછી ધોધમાર વરસાદે ભાવનગર જિલ્લાના મહુવા અને જેસર તાલુકાઓમાં તબાહી મચાવી દીધી છે. વીજળીના કડાકા સાથે મેઘરાજાની ધમાકેદાર બેટિંગથી ગ્રામીણ વિસ્તારોમાં પાણી ભરાયું, મુખ્ય રસ્તા બંધ થયા અને ખેડૂતોના પાકો તણાઈ ગયા. જિલ્લાભરમાં અચાનક પલટા આવતા લોકોને આંશિક રાહત મળી, પરંતુ વ્યાપક મુશ્કેલીઓ વધી છે.

ભાવનગરમાં મોડી રાત્રે ધોધમાર વરસાદ

મહુવા તાલુકાના જાદરા, ભાદરા, આશરાણા અને આજુબાજુના ગામોમાં ધોધમાર વરસાદે રોડ રસ્તાઓ પર પાણી ફરી વળ્યા. મહુવા-અમરેલીને જોડતો મુખ્ય સ્ટેટ હાઇવે બંધ થતા વાહનો રસ્તા પર ફસાઈ ગયા હતા. આ સીઝનમાં સાત વખતથી વધુ આ માર્ગ પાણીથી અટકાવાયો, જેમાં ડાયવર્ઝનમાં પાણી વળવાનું મુખ્ય કારણ બન્યું. લોકોને વૈકલ્પિક માર્ગો ન મળતા મુશ્કેલી પડી. મહુવા શહેરમાં નીચાણ વિસ્તારોમાં પાણી ભરાયું, જ્યારે રાજાવદર જેવા ગામોમાં પણ વરસાદની શરૂઆત થઈ.

ખેડૂતોની મગફળી પાણીમાં તણાઈ

ખેતી પર વરસાદનું સૌથી કઠોર અસર પડી છે. કુંભણ ગામમાં મગફળીના દોલવા અને પાથરા પાણીમાં તળાતા ખેડૂતો દિવસરાત મહેનત કરીને પાક બચાવવાનો પ્રયાસ કરી રહ્યા છે. આગોતર વાવેતર કરનારા ખેડૂતો મુશ્કેલીમાં મુકાયા, કારણ કે નદીઓમાંથી તણાવતા પાથરા ભેગા કરવા પડ્યા. જિલ્લામાં મગફળી અને કપાસના પાક પર જીવાતનો પડકાર વધ્યો છે, જે ખેડૂતો માટે ચિંતાનો વિષય બન્યો છે.

Bhavnagar: ખેડૂતોની અવદશા તો જુઓ! મગફળીને બચાવવાના ખેડૂતના પ્રયાસ
#Bhavnagar #Pmmodi #pmmodiinbhavnagar #Rain #Gujaratrain #Gujarat #Thegujaratreport pic.twitter.com/qTSEqEFocR
— The Gujarat Report (@TGujarat_Report) September 20, 2025

કોબલી નદીમાં ઘોડાપૂર આવ્યું

જેસર તાલુકાના બિલા, ઉગલવાણ, શાંતિનગર અને તાતણીયા ગામોમાં વીજળીચકચૂંદા સાથે વરસાદે ગરમીથી રાહત આપી, ત્યારે ભારે વરસાદથી કોબલી નદીમાં ઘોડાપૂર આવ્યું. બિલા-ઉગલવાણ કોઝવે પર પાણી ફરી વળતા રસ્તો બે કલાક બંધ રહ્યો, જ્યાં લોકોના ટોળા એકઠા થયા. ક્રોસવે બંધ થતા ગ્રામવાસીઓ અને ખેડૂતો મુશ્કેલીમાં મુકાયા. જિલ્લાભરમાં ભારે વરસાદથી રસ્તાઓ પર પાણીના વહાવ વધ્યા, જે યાત્રાઓને અટકાવી.

પીએમ મોદી આજે ભાવનગરની મુલાકાતે

મહતેવનું છે કે આજે જ્યારે વડાપ્રધાન મોદી ભાવનગરની મુલાકાતે આવી રહ્યા છે. ત્યારે ભાવનગરમાં ભારે વરસાદને કારણે અનેક વિસ્તારોમાં પાણી ભરાઈ ગયા છે જેથી સ્થાનિક વહીવટી તંત્ર રાહત કાર્યોમાં લાગ્યું છે.