Digital Gold: આજકાલ લોકોમાં ડિજિટલ ગોલ્ડમાં રોકાણ કરી રહ્યાનો ટ્રેન્ડ વધ્યો છે ત્યારે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) એ આવા રોકાણકારોને આવી રીતે આડેધડ ડિજિટલ ગોલ્ડમાં રોકાણ કરવા સામે ચેતવણી આપી છે અને ઉમેર્યુ છે કે જો આવા પ્લેટફોર્મ ડિફોલ્ટ થશેતો પૈસા ગુમાવવાનો વારો આવશે.જોકે,રોકાણકારો પાસે સેબી-રેગ્યુલેટેડ પ્રોડક્ટ્સના અન્ય ઘણા વિકલ્પો રહેલા છે જો તેમાં રોકાણ કરશેતો તે સંપૂર્ણ સલામત ગણાશે પણ આ માટે લોકોમાં જાગૃતિ જરૂરી છે.
સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) દ્વારા શનિવાર, 8 નવેમ્બરના રોજ એક સત્તાવાર નોટીસ મારફતે જાહેરાત કરીને રોકાણકારોને ડિજિટલ ગોલ્ડ અથવા ઈ-ગોલ્ડ જેવા Unregulated Products માં રોકાણ કરવા સામે ચેતવણી આપી છે અને સ્પષ્ટ કર્યું છે કે, આ ડિજિટલ ગોલ્ડ સ્કીમ્સ સિક્યોરિટીઝ કે કોમોડિટી ડેરિવેટિવ્ઝની કેટેગરીમાં આવતી નહી હોવાથી રોકાણકારો માટે કોઈ સુરક્ષા વ્યવસ્થા લાગુ પડતી નથી પરિણામે પૈસા ગુમાવવાનો વારો આવી શકે છે.
સેબીએ જણાવ્યું કે, કેટલાક ડિજિટલ/ઓનલાઈન પ્લેટફોર્મ રોકાણકારોને ‘Digital Gold/E-Gold Products’ માં રોકાણ કરવાની ઓફર સાથે લાલચ આપી રહ્યા છે જેમાં ડિજિટલ ગોલ્ડનું ફિઝિકલ ગોલ્ડ વિકલ્પ તરીકે માર્કેટિંગ કરવામાં આવી રહ્યું છે, પરિણામે લોકો લલચાઈ રહયા છે અને ડિજિટલ ગોલ્ડમાં રોકાણ કરી રહયા છે પણ હકીકતમાં તે કોઈપણ નિયમનકારી માળખા હેઠળ આવતું નથી.
સેબીએ રોકાણકારોને ચેતવણી આપી છે કે આ પ્રોડક્ટને સિક્યોરિટીઝ અથવા રેગ્યુલેટેડ કોમોડિટી ઇન્સ્ટ્રુમેન્ટ તરીકે માન્યતા આપવામાં આવી નથી.
પરિણામે ડિજિટલ ગોલ્ડ વેચતું પ્લેટફોર્મ ડિફોલ્ટ થાય તે સંજોગોમાં રોકાણકારોને સેબી હેઠળ કોઈ કાનૂની સુરક્ષા અથવા રિફંડ અધિકાર રહેશે નહીં.
સેબી એ પણ સ્પષ્ટતા કરી કે જો કોઈ રોકાણકાર સોનામાં રોકાણ કરવા માંગે છે,તો તેની પાસે સેબી-રેગ્યુલેટેડ પ્રોડક્ટ્સનાં ઘણા વિકલ્પો રહેલા છે જેમકે ગોલ્ડ
ETF, ગોલ્ડ મ્યુચ્યુઅલ ફંડ્સ અથવા સોવરીન ગોલ્ડ બૉન્ડ્સ ઉપલબ્ધ છે.
આ પ્રોડક્ટ્સમાં રોકાણ સેબી-રજિસ્ટર્ડ ઇન્ટરમીડિયરીઝ દ્વારા કરી શકાય છે અને આ સંપૂર્ણપણે સલામત હોય છે.ઉપરાંત ઘણી ખાનગી કંપનીઓએ મોબાઇલ એપ્લિકેશન્સ અને વેબસાઇટ્સ દ્વારા ડિજિટલ સોનું વેચવાનું શરૂ કર્યું છે જેમકે ટાટા ગ્રુપની CaratLane, SafeGold, Tanishq અને MMTC-PAMP જેવી કંપનીઓ ગ્રાહકોને ડિજિટલ ગોલ્ડની ઓનલાઈન ખરીદીનો વિકલ્પ આપે છે.
આ ઉપરાંત, PhonePe, Google Pay અને Paytm જેવી એપ્સે પણ આ કંપનીઓ સાથે ભાગીદારી કરી છે, જેના કારણે યુઝર્સ તેમના મોબાઇલથી થોડા રૂપિયામાં પણ ગોલ્ડ ખરીદી શકે છે. CaratLaneની વેબસાઈટ મુજબ, “ડિજિટલ ગોલ્ડ એ એવી સુવિધા છે, જેમાં તમે સોનાને ઓનલાઇન ખરીદી શકો છો, ટ્રેક કરી શકો છો અને ઇચ્છા મુજબ તેને જ્વેલરી અથવા ગોલ્ડ કૉઇનના રૂપમાં રિડિમ કરી શકો છો.
આમ,આડેધડ ઓન લાઈન રોકાણ કરતા પહેલા સેબીના દાયરામાં આવતા પ્લેટફોર્મ અંગે જાગૃત થવા સેબીએ સત્તાવાર જાહેરાત કરી લોકોને ચેતવ્યા છે અને ક્યાં રોકાણ કરવું જોઈએ અને ક્યાં નહિ તે અંગે સજાગતા રાખવા અપીલ કરી છે.
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
Gujarat: ભૂપેન્દ્ર પટેલ સરકારે ધરતીપુત્રો માટે 10 હજાર કરોડની સહાય જાહેર કરી, શું આ પૂરતું છે?
