Iran War: અમેરિકાએ ઈરાન ઉપર હુમલો કરવાની ધમકી આપ્યા બાદ ઇરાનના સુપ્રીમો આયાતોલ્લાહ અલી ખામેનેઈ તેહરાનમાં ખાસ પ્રકારના વ્યહાત્મક બંકરમાં છુપાઈ ગયા છે આ અંડરગ્રાઉન્ડ શેલ્ટરમાં તમામ પ્રકારની સુવિધા અને સુરક્ષાનું ધ્યાન રાખવામાં આવ્યું છે.
ઇરાનની ખુફિયા એજન્સીઓ અને અધિકારીઓના મતે અમેરિકા ઈરાન ઉપર ગમેત્યારે હુમલો કરી શકે છે આ ખતરાને જોતાં ખામેનેઈ પોતાના પુત્રને ઇરાનની કાર્યકારી કમાન સોંપી પોતે સલામત જગ્યાએ ચાલ્યા ગયા છે અહેવાલ છે કે ખામેનેઈ જ્યાં છુપાયા છે તેમાં સુરક્ષા માટે અત્યાધુનિક સુવિધાઓ ઉપલબ્ધ છે. તથા જમીનની નીચેથી જવા આવવા માટે ખાસ પ્રકારની સુરંગ તૈયાર કરવામાં આવી છે હાલમાં ખામેનેઈના ત્રીજા નંબરના પુત્ર મસૂદ ખામેનેઈ તમામ કામકાજ સંભાળી રહયા છે.
અમેરિકાએ ઈરાનને ઘેરવા મિડલ ઈસ્ટમાં પોતાની સેના સ્ટેન્ડબાય રાખી છે અને અમેરિકાની નૌસેનાનું ‘અબ્રાહમ લિંકન કેરિયર સ્ટ્રાઈક ગ્રુપ’ હિન્દ મહાસાગરમાં હાજર છે જે પર્શિયન ગલ્ફમાં તૈનાત થઈ શકે છે કારણ કે અહીંથી ઈરાન પર હુમલો કરવાનું અમેરિકા માટે સરળ રહેશે અમેરિકન યુદ્ધ જહાજો પર F-35C અને F/A-18E સુપર હૉર્નેટ જેવા ફાઈટર જેટ તૈનાત છે જેમાં બ્રિટનના Typhoon ફાઈટર જેટ પણ સામેલ છે.
બીજી તરફ અમેરિકાની આ તૈયારીઓ પર ઈરાને પણ ચેતવણી આપી છે કે અમેરિકાની કોઈ પણ પ્રકારની સૈન્ય કાર્યવાહી ‘ઑલ-આઉટ વોર’ માનવામાં આવશે ઈરાનની સેના પણ હાઈઍલર્ટ પર રાખવામાં આવી છે,મહત્વનું છે કે ઈરાનમાં સત્તા વિરુદ્ધ મોટા પાયે હિંસક પ્રદર્શન થઈ રહ્યા છે અહીં આર્થિક મામલે શરૂ થયેલા પ્રદર્શન બાદમાં સુપ્રીમ લીડર ખામીનીને જ સત્તાથી હટાવવાની માંગ શરૂ થઈ છે.
ઈરાનની સરકારનું કહેવું છે કે આ આંદોલનો પાછળ વિદેશી શક્તિનો હાથ છે અને આંદોલન કરી રહેલા લોકો ‘આતંકવાદી’ છે સરકાર અને આંદોલનકારીઓના સંઘર્ષમાં અનેક લોકોએ પોતાના જીવ ગુમાવ્યા છે ત્યારે આ મામલામાં અમેરિકાએ હસ્તક્ષેપ કરી ખામેનીને ઉઠલાવવા ઈરાન ઉપર હુમલો કરવાની ધમકી આપી છે જેથી ઈરાન-અમેરિકા વોરની સ્થિતિ ઉભી થઇ છે અને ગમેત્યારે અમેરિકા હુમલો કરી શકે છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
