Junagadh: જૂનાગઢ જિલ્લાના મજેવડી ગામમાં પાણી અને ગટર જેવી પ્રાથમિક સુવિધાઓનો અભાવ હોવાની વાસ્તવિકતા સામે આવી છે. નેતા રેશ્મા પટેલે આ મુદ્દે ગુજરાત સરકારની 30 વર્ષની શાસનકાળની નિષ્ફળતા પર સવાલ ઉઠાવ્યા છે.
ગામડાઓમાં વિકાસના દાવાઓ પોકળ
જ્યારે રેશ્મા પટેલ ગામની મુલાકાતે ગયા હતા ત્યારે ગામની બહેનોએ રેશ્મા પટેલને પોતાની વ્યથા જણાવી, જેમાં પીવાના પાણીની અછત અને ગટરવ્યવસ્થાના અભાવથી થતી મુશ્કેલીઓનો ઉલ્લેખ કર્યો. રેશ્મા પટેલે ગોકુળિયા ગામની પણ આવી જ સ્થિતિ હોવાનું જણાવ્યું, જે દર્શાવે છે કે ગુજરાતના ગામડાઓમાં વિકાસના દાવાઓ હોવા છતાં મૂળભૂત સુવિધાઓનો અભાવ છે.
રેશ્મા પટેલના ભાજપ પર આક્ષેપ
રેશ્મા પટેલે આક્ષેપ કર્યો કે ગુજરાત સરકારના “વિકાસ”ના દાવા હોવા છતાં, ગામડાઓની હકીકત તંત્રને દેખાતી નથી. તેમણે કહ્યું, “ગામે ગામ ફરીએ ત્યારે જ વાસ્તવિકતા સામે આવે છે. અમે ગામલોકોના હક માટે લડત ચાલુ રાખીશું.” તેમણે સરકારના અંધભક્તોના વિકાસના દાવાઓને પડકારતા, ગ્રામીણ વિસ્તારોની ઉપેક્ષા પર પ્રકાશ પાડ્યો છે.
ગુજરાતના ગ્રામીણ વિકાસની હકીકત
નોંધનીય છે કે, જૂનાગઢ જિલ્લામાં 547 ગામો અને 492 ગ્રામ પંચાયતો છે, પરંતુ મજેવડી જેવા ગામોમાં સુવિધાઓનો અભાવ ચિંતાજનક છે. ગુજરાત સરકારની યોજનાઓ, જેમ કે રુર્બન પ્રોજેક્ટ, ગટર અને પાણીની સુવિધાઓ પૂરી પાડવાનો દાવો કરે છે, પરંતુ ગામડાઓમાં તેનો અમલ નબળો દેખાય છે. રેશ્મા પટેલના આ આક્ષેપો ગુજરાતના ગ્રામીણ વિકાસની હકીકત પર સવાલ ઉભા કરે છે.
આ પણ વાંચો:
Ahmedabad: સુરક્ષાની વાતો વચ્ચે જુહાપુરામાં છરીથી હુમલો, 2 લોકો ઈજાગ્રસ્ત, વીડિયો વાયરલ
Kerala: દુનિયામાં જીવલેણ મહામારીનો ખતરો! જો ધ્યાન નહીં રાખો તો બની જશો શિકાર
Afghanistan Earthquack: અફઘાનિસ્તાનમાં 5 વાર ધરતી ધ્રુજી, 800 થી વધુ લોકોના મૃત્યુ, 2500 થી વધુ ઘાયલ
Bhavnagar: હજુ પ્રોજેક્ટ પૂર્ણ થયો નથી ત્યાં કંસારાની હાલત બદતર થઈ
