Iran War: ઈરાનમાં સુપ્રીમો ખમેનીના મોતના સમાચાર મળતા જ તેહરાનના એન્ગલેબ સ્ક્વેર જેવા વિસ્તારોમાં હજારો લોકો હુમલાની પરવા કર્યા વગર રસ્તા ઉપર ઉમટી પડ્યા હતા અને માતમ મનાવ્યો હતો જોકે,ખમેનીના મોત બાદ દુનિયાભરમાં શિયા મુસલમાન સમુદાયમાં રોષ જોવા મળી રહ્યો છે,ઈરાનમાં ઠેરઠેર લોકો રસ્તા ઉપર ઉતર્યા હતા અને વિરોધ કરી માતમ મનાવ્યો હતો.
એટલુંજ નહિ ઈરાની ટીવી એન્કરો સમાચાર વાંચતી વખતે ભાવુક થઈ રડતા જોવા મળ્યા હતા ઈરાનના રાષ્ટ્રપતિ મસૂદ પેઝેશ્કિયન અને રિવોલ્યુશનરી ગાર્ડ્સ (IRGC) એ આ ઘટનાને ‘મુસ્લિમો વિરુદ્ધ યુદ્ધની ઘોષણા’ ગણાવી છે અને ઈઝરાયેલ તથા અમેરિકા સામે બદલો લેવાની પ્રતિજ્ઞા લીધી છે.
નવા સર્વોચ્ચ નેતાની નિમણૂક ન થાય ત્યાં સુધી રાષ્ટ્રપતિ, ન્યાયતંત્રના વડા અને ગાર્ડિયન કાઉન્સિલના સભ્યોની બનેલી સમિતિ કામચલાઉ ધોરણે જવાબદારી સંભાળશે,શિયા સમુદાયમાં એકજ ચર્ચા છે કે દુનિયા ખામેનીની શહાદતને યાદ રાખશે. શહાદતના દરેક ઉલ્લેખમાં તેમની બહાદુરી હંમેશા મોખરે રહેશે.
તેઓ જાણતા હતા કે અમેરિકા તેમને નિશાન બનાવી શકે છે, છતાં તેઓ તેહરાનથી ભાગી ગયા ન હતા, બંકરમાં પાછા ફર્યા ન હતા, પરંતુ તેમના કાર્યાલયમાં કામ કરતી વખતે શહાદત સ્વીકારી હતી. ટ્રમ્પ ખામેનીને મારીને વિજયનો દાવો કરી શકતા નથી, કારણ કે તેમની કહેવાતી બહાદુરી ખામેનીની શહાદતની તુલનામાં ફીકી પડી જાય છે. ખામેનીની શહાદત છેલ્લા સિત્તેર કે એંસી વર્ષના મધ્ય પૂર્વના ઇતિહાસમાં સૌથી મોટી ઘટના છે.
આ ઘટનાનો વ્યાપક પ્રભાવ પડશે. અહીંથી, ઈરાનના અસ્તિત્વ માટેની લડાઈ ખરેખર શરૂ થાય છે. ઈરાને પોતાને ટકાવી રાખવા માટે કરેલી બધી તૈયારીઓનું પરીક્ષણ કરવાનો સમય આવી ગયો હોવાનું શિયાઓ માને છે અને કરબલા પછીનું આ મોટું યુદ્ધ હોવાનું કહી રહયા છે આવા અનેક વિડીયો પણ વાયરલ થઈ રહયા છે અને દુનિયાભરમાં વસતા શિયા મુસલમાનોમાં અમેરિકા વિરુદ્ધ માહોલ જોવા મળી રહ્યો છે.
જોકે,ખામેનીના મૃત્યુની કેટલાક વિસ્તારોમાં ઉજવણી પણ થઈ હતી ઈરાન, અમેરિકા અને યુકેના કેટલાક ભાગોમાં ઉજવણી થઈ હોવાના પણ અહેવાલ છે પણ તેના કરતા ખામેનીના સમર્થકોની સંખ્યા સૌથી વઘુ છે જેઓ શોક મનાવતા નજરે પડ્યા હતા.
