Narendramodi: SIR બાદ હવે આવી ગયું "મશીન"

Narendramodi: દેશમાં SIRની કામગીરી દરમિયાન અનેક બાંગ્લાદેશી દેશ છોડી ગયા હોવાના દાવા કરવામાં આવી રહયા છે જોકે,વિપક્ષ દ્વારા SIR કામગીરી અને ચૂંટણી કમિશનર જ્ઞાનેશ કુમારનો સતત વિરોધ કરવામાં આવી રહ્યો છે ત્યારે હવે પોલીસે લોકોની પીઠ ઉપર મશીન મૂકી બાંગ્લાદેશી છે કે નહીં તે શોધવાનું અભિયાન ચાલુ કર્યું હોવાના વિડીયો વાયરલ થઈ રહયા છે અને ખાસ કરીને ઝૂંપડપટ્ટીમાં આ અભિયાન જારી હોવાનું બતાવવામાં આવ્યું છે.

એક તરફ SIRની કામગીરી બાદ જાણીતા બની ગયેલા 1988 બેચના IAS અધિકારી જ્ઞાનેશ કુમારે દેશના 26મા મુખ્ય ચૂંટણી કમિશનર (CEC) તરીકેનો કાર્યભાર સંભાળતાની સાથે નવા કાયદા હેઠળ નિયુક્ત થનારા તેઓ પ્રથમ સીઈસી છે અને તેમનો કાર્યકાળ 26 જાન્યુઆરી, 2029 સુધી રહેશે જેઓ બિહારની ચૂંટણી દરમિયાન સતત ચર્ચામાં રહયા છે.

■હવે લોકોની પીઠ ઉપર મશીન મૂકી પોલીસ નક્કી કરી રહી રહી છે કે કોણ બાંગ્લાદેશી છે!!

હાલમાં સોશિયલ મીડિયા પ્લેટફોર્મ ઉપર એક વીડિયો વાયરલ થયો છે જેમાં ગાઝિયાબાદ પોલીસ સ્ટેશનના SHO પાસે ‘એક મશીન છે જે વ્યક્તિની રાષ્ટ્રીયતા દર્શાવે છે’.વીડિયોમાં કેટલાક પોલીસકર્મીઓ ઝૂંપડપટ્ટીમાં રહેતા લોકોની પૂછપરછ કરતા અને તેમના ઓળખપત્રો તપાસતા દેખાય છે.

પોલીસકર્મીઓ વીડિયોમાં રહેલા લોકોને પૂછે છે, “શું તમે બાંગ્લાદેશના છો?”ત્યાં હાજર એક વ્યક્તિએ કહ્યું, “ના.”પોલીસકર્મી પછી કહે છે, “મશીન તેની પીઠ પર મૂકો.”પછી, તેના મોબાઇલ ફોનનો ઉપયોગ કરતી વખતે, તે કહે છે, “મશીન બતાવે છે કે તે બાંગ્લાદેશી છે.”દરમિયાન,તે નાગરિક પોતે બાંગ્લાદેશી નહિ પણ બિહારના અરારિયાનો વતની હોવાનું જણાવી રહ્યો છે.

વીડિયો વાયરલ થયા પછી, ગાઝિયાબાદ પોલીસે આ બાબતની સ્પષ્ટતા કરી.એક પોસ્ટમાં, પોલીસે લખ્યું, “ગુના નિયંત્રણ પ્રયાસોના ભાગ રૂપે, કામચલાઉ વસાહતો અને ઝૂંપડપટ્ટીમાં શંકાસ્પદ વ્યક્તિઓની પૂછપરછ અને ચકાસણીની પ્રક્રિયા સમયાંતરે હાથ ધરવામાં આવે છે.

આ ક્રમમાં, કૌશાંબી પોલીસે પૂછપરછ અને ચકાસણી હાથ ધરી હતી, જેમાં લોકો પાસેથી તેમની સત્યતાની ચકાસણી માટે દસ્તાવેજો માંગવામાં આવ્યા હતા.” પણ મશીન વાળી વાત નકારી રહયા છે,પણ વાયરલ વીડિયોમાં તે સ્પષ્ટ સાંભળાય રહ્યું છે.

The Gujarat Reportના MD મયુર જાનીએ આ મુદ્દે વિશ્લેષણ કર્યું છે જે જોવાનું ચૂકશો નહિ.સાંપ્રત લોક હિતના વિષયોના સમાચાર અને સચોટ વિશ્લેષણ માટે જોતા રહો’ ધ ગુજરાત રિપોર્ટ’ પ્રસ્તુત છે વિડીયો