Pushpam Priya Choudhary | બિહારની ચૂંટણીમાં વિપક્ષ હવે EVMના ગોટાળા અંગે આક્ષેપ લગાવી રહયા છે ત્યારે દરભંગા વિધાનસભા બેઠક ઉપર પણ ભાજપે EVMમાં ગોટાળા કરી જીત મેળવી હોવાનો આક્ષેપ પ્લુરલ્સ પાર્ટીના ઉમેદવાર પુષ્પમ પ્રિયા ચૌધરીએ કર્યો છે.
ભાજપના સંજય સરાવગીએ દરભંગા વિધાનસભા બેઠક જીતી લીધી છે તેઓના હરીફ પ્લુરલ્સ પાર્ટીના પુષ્પમ પ્રિયા ચૌધરીને આશ્ચર્ય જનક રીતે માત્ર 1,403 મતો મળ્યા છે. પોતાની હાર બાદ, પુષ્પમ પ્રિયાએ EVMમાં ગોટાળાનો આરોપ લગાવ્યો છે. તેમણે દાવો કર્યો કે તેમની માતા અને સંબંધીઓના મત પણ ભાજપને ટ્રાન્સફર કરવામાં આવ્યા હતા. તેમણે એવો પણ દાવો કર્યો કે મુસ્લિમ મતો પણ ભાજપને ટ્રાન્સફર કરવામાં આવ્યા હતા
બિહાર ચૂંટણીમાં દરભંગા વિધાનસભા બેઠકના પરિણામો પર બધાની નજર હતી. આ બેઠક પર ભાજપના સંજય સરાવગીએ જીત મેળવી છે જ્યારે મુકેશ સાહનીની પાર્ટી VIP ના ઉમેશ સાહની બીજા ક્રમે રહ્યા. આ બેઠક માટે સૌથી વધુ ચર્ચિત ઉમેદવાર ધ પ્લુરલ્સ પાર્ટીના પુષ્પમ પ્રિયા ચૌધરી હતા. પુષ્પમ પ્રિયા ચૌધરી કુલ ૧૪૦૩ મતો મેળવીને ૮મા સ્થાને રહ્યા. ૨૦૨૫ના બિહાર ચૂંટણી પરિણામોમાં તેમની હાર બાદ, પુષ્પમ પ્રિયા ચૌધરીએ જે નિવેદન આપ્યું તે ચોંકાવનારું છે.
X પર પોસ્ટ કરતાં તેમણે લખ્યું કે ‘આ વખતે, દરેક વિસ્તારમાં મારી માતા, પરિવાર અને સંબંધીઓના મત ભાજપના ઉમેદવારને ટ્રાન્સફર કરવામાં આવ્યા જે દરેક બૂથ પર સેંકડો મતોની હેરાફેરીનો સ્પષ્ટ પુરાવો છે!
મતદારો આશ્ચર્યચકિત છે કે મત ક્યાં ગયા? જે બૂથ પર સેંકડો મત પડ્યા હતા ત્યાં પણ સંખ્યા 0-2 થી 5-7 સુધીની છે! દરેક બૂથ પર સમાન પેટર્ન! આંકડાકીય રીતે પણ અશક્ય! કદાચ જે વ્યક્તિને EVM સાથે હેરાફેરી કરવાનું કામ સોંપવામાં આવ્યું હતું તેને કહેવામાં આવ્યું ન હતું કે આ વખતે હું મારા વતનથી ચૂંટણી લડુ છું જ્યાં મારા હજારો મત ગણાય છે. આ વખતે તમે લોકોએ મોટી ભૂલ કરી છે.
તેમણે આગળ લખ્યું કે દરભંગામાં પણ મુસ્લિમોએ તેમના પરિવારના સ્નેહ અને પ્રેમથી હજારો મત આપ્યા. ભાજપે તેમના બૂથમાં જોયા વિના, તે બધા મતો પોતાનામાં ટ્રાન્સફર કરી દીધા! આ વખતે, જેનું હારવાનું નક્કી હતું તેમણે રેકોર્ડબ્રેક વિજય મેળવ્યો છે, વિપક્ષના મતો પણ EVMમાં સંપૂર્ણપણે લૂંટાઈ ગયા હોવાનો આરોપ લગાવ્યો છે.
EVM rigging में इस बार मेरी माँ, घर व हर मुहल्ले में रिश्तेदारों तक के वोट बीजेपी उम्मीदवार को ट्रांसफ़र। हर बूथ पर सैकड़ों वोट मैनिपुलेशन का साफ़ प्रमाण! वोटर हतप्रभ कि वोट कहाँ गए? जहां सैकड़ों वोट मिले उन बूथों पर भी संख्या 0-2 से 5-7 तक! हर बूथ पर एक-सा पैटर्न! सांख्यिकीय रूप…
— Pushpam Priya Choudhary (@pushpampc13) November 14, 2025
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
