Morbi: ગુજરાતમાં નાની બળકીઓથી લઈ સગીર યુવતી અને મહિલાઓની સલામતી સામે સવાલો ઉઠ્યા છે અને બેખૌફ બનેલા વાસના ભૂખ્યા શેતાનો સતત બળાત્કારની ઘટનાઓને અંજામ આપી રહયા છે.
2026ના પ્રારંભે બે માસૂમ સગીરાઓની છેડેચોક ગેંગરેપ કરીને ઈજ્જત લૂંટવામાં આવી છે એક ઘટના વાંસદા અને બીજી ઘટના વડોદરામાં બની છે અને આ ઘટનાના પ્રત્યાઘાતો શમે તે પહેલાં મોરબીમાં એક સામાજિક સંસ્થામાં ઘૂસી જઈ બે વાસના ભૂખ્યા વરુઓ બે અબળાઓની ઈજ્જત લૂંટીને ભાગી છૂટ્યા છે.
રાજ્યમાં પોલીસનો કોઈ ડર રહ્યો નથી જેની ઉપર દંડો ચલાવવાનો છે ત્યાં ચાલતો નથી પરિણામે આ સ્થિતિ ઉભી થઇ રહી હોવાનું અગાઉ વિપક્ષ નેતાઓ પણ કહી ચુક્યા છે ત્યારે કાયદો અને વ્યવસ્થા ખાડે ગઈ છે અને મહિલાઓ હવે અસલામત બની ગઈ છે.
મોરબી શહેરમાં અત્યંત હૃદયદ્રાવક અને શરમજનક બનેલી ઘટનામાં એક સેવાભાવી સંસ્થામાં આશ્રય લઈ રહેલી માનસિક અસ્વસ્થ બે મહિલા પર અજાણ્યા નરાધમો દુષ્કર્મ આચરી ભાગી છૂટ્યા હતા.આ હવસખોરો સૌપ્રથમ સંસ્થાની કમ્પાઉન્ડ વોલ (દીવાલ) કૂદીને અંદર પ્રવેશ કર્યો હતો ત્યાર બાદ જે રૂમમાં આ મહિલાઓને રાખવામાં આવી હતી તે દીવાલમાં બાકોરું પાડીને હવસખોરો અંદર ઘૂસ્યા હતા અને રૂમમાં રહેલી 2 અસ્થિર મગજની મહિલાઓને હવસનો શિકાર બનાવી હતી ત્યારબાદ ભાગી છૂટ્યા હતા.
આમ,હવે હવસખોરો બિન્દાસ બન્યા છે કારણકે રાજ્યમાં કાયદો વ્યવસ્થા ખાડે ગઈ છે પરિણામે મહિલાઓ અસુરક્ષા અનુભવી રહી છે.ગૃહમંત્રી સાથે ડેપ્યુટી સીએમ બનેલા હર્ષ સંઘવીએ આવા બનાવોની ગંભીરતા ધ્યાને લઇ પોલીસને જે ખરેખર ગુનેગારો છે તેવા લોકો સામે દંડો ચલાવવા કહેવાની જરૂર છે.
બાકી સામન્ય જનતામાં ભય ઉભો કરવામાં કઈ વળવાનું નથી ગુજરાતમાં બેફામ બનેલા હવસખોરોના ત્રાસથી મહિલાઓ અને બાળકીઓ-સગીરાઓમાં ગભરાટ અને ચિંતા પ્રસરી છે.ગુજરાતમાં દુષ્કર્મની બની રહેલી ઉપરા ઉપરી ઘટનાઓ ચિંતાનો વિષય છે બે કિશોરીઓ ઉપર ગેંગરેપ બાદ હવે નિરાધાર અને અશક્ત મહિલાઓ સાથે આચરાયેલું આ કૃત્ય સંવેદનશીલ સમાજ સ્તબ્ધ બની ગયો છે અને કાયદા વ્યવસ્થા ઉપરથી જાણે વિશ્વાસ ઉઠી ગયો છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
