Gujarat Police Recruitment: ગુજરાત પોલીસ વિભાગમાં હાલ PSI અને LRDની કુલ 13,591 જગ્યાઓ માટેના પ્રારંભિક તબક્કામાં શારીરિક કસોટી લેવામાં આવનાર છે અને જે ઉમેદવારો દોડ સહિતના શારીરિક માપદંડોમાં પાસ થશે, તેઓ જ લેખિત પરીક્ષા માટે પાત્ર ગણાશે.
આપને જણાવી દઈએ કે Gujarat Police Recruitment Board Official ઉપર જે વિગતો જાહેર કરાઈ છે તેમાં જણાવાયા મુજબ જાહેરાત ક્રમાંકઃ GPRB/202526/1 અન્વયે પો.સ.ઇ. અને લોકરક્ષક કેડરની શારીરિક કસોટી તા.૨૧/૦૧/૨૦૨૬ના રોજ શરૂ થનાર છે. જે માટે કોલલેટર તા.૧૨/૦૧/૨૦૨૬ના રોજ કલાક ૧૪:૦૦ થી Ojas વેબસાઇટ ojas.gujarat.gov.in ઉપરથી ડાઉનલોડ કરી શકાશે.
વિગતો મુજબ આ ભરતી પ્રક્રિયા આગામી 21મી જાન્યુઆરીથી શારીરિક કસોટી શરૂ થઈ જશે જ્યારે GPRB/202526/1 અન્વયે PSI અને લોકરક્ષક કેડરની શારીરિક કસોટી માટે ઉમેદવારો પોતાના કોલલેટર 12મી જાન્યુઆરી 2026ના રોજ બપોરે 2 વાગ્યે ડાઉનલોડ કરી શકશે.
● કોલ લેટર ડાઉનલોડ કરવા આટલું કરો
સૌથી પહેલા તમારે ojas.gujarat.gov.in પર જવાનું છે જયાં ‘Call Letter’ સેક્શનમાં જઈને ‘Preliminary Exam Call Letter’ પર ક્લિક કરવાનું છે ત્યારબાદ તમારી જરુરી વિગતો જેવીકે (Confirmation Number અને Birth Date) ભરવાની છે આટલું કર્યા બાદ ‘Print Call Letter’ પર ક્લિક કરીને તમારી હોલ ટિકિટ ડાઉનલોડ કરી શકો છો.
● કસોટીના દિવસે એકદમ નોર્મલ રહેવાનું છે અને આટલું ધ્યાન રાખો
સિલેક્ટ ઉમેદવારોએ જે દિવસે શારીરિક કસોટી હોય તે દિવસે કોલ લેટરની પ્રિન્ટ સાથે ઓરિજિનલ આઈડી પ્રૂફ એટલે કે આધાર કાર્ડ અથવા ચૂંટણી કાર્ડ તેમજ પાસપોર્ટ સાઈઝના ફોટા પોતાની સાથે રાખવા જરૂરી છે.
ઉપરાંત વહેલી સવારે દોડ યોજાશે જેથી ઉમેદવારોએ તે મુજબ સિડયુંઅલ બનાવી વહેલા ઉઠી સમયસર ગ્રાઉન્ડ પર પહોંચવું પણ જરૂરી રહશે.
ઉલ્લેખનીય છે કે ભરતી બોર્ડ દ્વારા આ વખતે પણ શારીરિક કસોટી દરમિયાન ટેકનોલોજીનો ઉપયોગ થવાનો છે જેમાં દોડ સમયે RFID ચીપનો ઉપયોગ કરવામાં આવશે જેથી સમયની સચોટ નોંધણી થઈ શકે.
સાથેજ મેદાન પર સીસીટીવી કેમેરા પણ તમારી દરેક હિલચાલની નોંધ રાખશે જેથી કોઈપણ જાતના દબાણ વગર જે પ્રેક્ટિસ કરી છે તે નિર્ધારિત સમયે પૂર્ણ થાય તેવો પ્રયાસ કરવાનો છે.આમ,કોલ લેટર ડાઉન લોડ કરવાની તારીખ જાહેર થઈ ગઈ છે જે ડાઉનલોડ કર્યા બાદ તૈયારીમાં લાગી જવાનું છે The Gujarat Report દ્વારા દરેક ઉમેદવારને શુભકામનાઓ પાઠવવામાં આવે છે ઓલ ધ બેસ્ટ.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
