Donald Trump: અમેરિકા-ઇઝરાયલ અને ઇરાન યુદ્ધનો આજે 16મો દિવસ છે ઈરાન ઝુકવા તૈયાર નથી હવે ટ્રમ્પની નજર ખુર્ગ ટાપુ ઉપર છે જે ઈરાનને કરોડો ડોલર રળી આપે છે જો આ ટાપુ ઉપર નિયંત્રણ મળી જાય તો વેનેઝુએલા બાદ બીજા મોટા તેલ ભંડાર હાથ લાગી શકે અને યુદ્ધનો ખર્ચ પણ નીકળી જાય અને પછી મોટી કમાણી શરૂ થઈ જાય તેથી આ ટાપુ કબ્જે કરવા ખાસ પ્લાન બનાવ્યો હોવાના અહેવાલ છે લગભગ 2500 અમેરિકી મરીન કબજાના ઈરાદા સાથે ખાર્ગ તરફ આગળ વધી રહ્યા હોવાના પણ અહેવાલ છે.
બીજી તરફ મોજતબા ખામેનેઈ ની ઉપસ્થિતી અંગે અમેરિકા દ્વારા ઉઠાવેલા સવાલ મુદ્દે ઇરાને કહ્યું છે કે દેશના નવા સુપ્રીમ લીડર મોજતબા ખામેનેઈ સંપૂર્ણપણે સ્વસ્થ છે અને તેમને કોઈ ઈજા પણ થઈ નથી. ઇરાનના વિદેશ મંત્રી અબ્બાસ અરાઘચીએ કહ્યું કે ખામેની સામાન્ય રીતે પોતાની ફરજોનું પાલન કરી રહ્યા છે.
ઉલ્લેખનીય છે કે આ પહેલા બ્રિટિશ મીડિયા ધ સનના અહેવાલમાં દાવો કરવામાં આવ્યો હતો કે મુજતબા 28 ફેબ્રુઆરીના રોજ અમેરિકા-ઇઝરાયલના હુમલામાં ઘાયલ થયા હતા. ત્યારથી તેઓ કોમામાં છે અને તેમનો એક પગ પણ કાપવો પડ્યો છે જોકે,આ અહેવાલોને ઇરાને નકારી કાઢ્યા છે અને મોજતબા ખામેનેઈ સંપૂર્ણપણે ફિટ હોવાની જાહેરાત કરી છે.
જોકે,ટ્રમ્પે ઈરાનના નવા સર્વોચ્ચ નેતા મોજતબા ખામેનેઈની ઉપસ્થિતિ પર પણ સવાલ ઉઠાવ્યો છે અને કહ્યું કે સત્તા સંભાળ્યા પછી ક્યારેય મુજતબા જાહેરમાં દેખાયા નથી અને તેઓ જીવતા છે કે મૃત્યુ પામ્યા છે તે પણ જાણી શકાયું નથી ટ્રમ્પે કહ્યું, “મને ખબર નથી કે તે જીવંત પણ છે કે નહીં? હજુ સુધી કોઈએ તેમને બતાવ્યા નથી.” જોકે તેમણે એમ પણ કહ્યું કે તેમના મૃત્યુના સમાચાર હાલ પૂરતી માત્ર અફવા હોઈ શકે છે.
તેમણે એમ પણ કહ્યું કે જો મુજતબા જીવિત હોય તો તેમણે પોતાના દેશ માટે સમજદારીભર્યો નિર્ણય લેવો જોઈએ અને આત્મસમર્પણ કરવું જોઈએ ભવિષ્યમાં ઈરાનનો નેતા કોણ હોઈ શકે છે, આ સવાલ પર ટ્રમ્પે કોઈ ખાસ વ્યક્તિનું નામ લીધું ન હતું. તેમણે ફક્ત એટલું જ કહ્યું કે આવા ઘણા લોકો હાજર છે જે ભવિષ્યમાં દેશનું નેતૃત્વ કરી શકે છે.
મહત્વનું છે કે અમેરિકાએ ઈરાનના નવા સુપ્રીમ લીડર મોજતબા ખામેનેઈ સહિત ઇસ્લામિક રિવોલ્યુશનરી ગાર્ડ કોર્પ (IRGC)ના અન્ય વરિષ્ઠ અધિકારીઓ વિશે માહિતી આપનારને 10 મિલિયન ડોલર એટલે કે લગભગ 92 કરોડ 47 લાખ 48 હજાર રૂપિયા ઇનામ આપવાની જાહેરાત કરી છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
