Iran War: ઈરાન યુદ્ધમાં સામસામે ચાલુ રહેલા હુમલાઓમાં બન્ને પક્ષે નુકસાન થઈ રહ્યું છે અને અમેરિકાની વાત કરવામાં આવે તો અત્યાર સુધીમાં કુલ 13 અમેરિકન જવાનો શહીદ થયા છે.ઈરાને કુવૈત અને સાઉદી અરેબિયામાં કરેલા ડ્રોન હુમલામાં 7 જવાનોના મોત થયા હતા, જ્યારે ગઈકાલની વિમાની દુર્ઘટનામાં વધુ 6 જવાનોના મોત થયા છે, ઈરાન સમર્થિત ઈરાકી જૂથ ‘ઈસ્લામિક રેઝિસ્ટન્સ ઇન ઈરાક’ એ દાવો કર્યો છે કે તેઓએ જ આ અમેરિકન વિમાનને તોડી પાડ્યું છે. જોકે, અમેરિકન સેન્ટ્રલ કમાન્ડે (CENTCOM) હજુ સુધી કોઈ આ પ્રકારના હુમલાની પુષ્ટિ કરી નથી.
ઈરાન ઉપર અમેરિકા અને ઈઝરાયેલ દ્વારા થયેલા હુમલો અને ચાલુ રહેલા અત્યારસુધીના આ યુદ્ધમાં 150 અમેરિકન સૈનિકો પણ ઘાયલ થયા હોવાનું સામે આવ્યું છે.ઈરાને અમેરિકન થાણા ઉપર હુમલા કરવાનું ચાલુ રાખ્યું છે અને વોલ સ્ટ્રીટ જર્નલના અહેવાલ મુજબ, સાઉદી અરેબિયામાં આવેલા ‘પ્રિન્સ સુલતાન એરબેઝ’ પર ઈરાને મિસાઈલ હુમલો કરતા અમેરિકન વાયુસેનાના પાંચ રિફ્યુલિંગ વિમાનો (KC-135)ને નુકશાન થયું હતું જોકે, આ હુમલામાં કોઈ જાનહાનિ થઈ નથી.
જોકે,આ અહેવાલમાં એવો દાવો પણ કરાયો છે કે ઇરાનના હુમલાનો ભોગ બનેલા આ વિમાનો હજુ સક્રિય સ્થિતિમાં છે જેનું સમારકામ ચાલી રહ્યુ છે.આ પહેલા ગઈકાલે ઇરાકમાં પણ અમેરિકી વાયુસેનાનું એક વિમાન ‘બોઇંગ KC-135 રિફ્યુલિંગ’ ક્રેશ થઈ ગયું હતું. આ વિમાનમાં સવાર તમામ 6 ક્રૂ મેમ્બર્સના મોત થયા હતા
આ સિવાય નવા અપડેટમાં યુએઇ નજીક શારજહાંમાં અમેરિકાના યુદ્ધજહાજ પર ઇરાને ભયાનક હુમલો કરતા જહાજ બળીને રાખ થઈ ગયાની પ્રેસ ટીવીના અહેવાલમાં વિગતો સામે આવી છે.બગદાદમાં અમેરિકન એમ્બેસી ઉપર પણ એર સ્ટ્રાઈક કરવામાં આવી છે,ન્યૂઝ એજન્સી એસોસિએટેડ પ્રેસ અનુસાર, મિસાઈલ દૂતાવાસ પરિસરની અંદર બનેલા હેલિકોપ્ટર ઉતરવાના વિસ્તાર (હેલિપેડ) પર પડી હતી.
જ્યારે ઈઝરાયેલ ઉપર ઈરાન અને હિઝબુલ્લાહે સાથે મળી વ્યાપક હુમલા કર્યા છે.આમ,હુમલાઓ ચાલુ છે અને એકબીજા દ્વારા હુમલા અને તેના નુકશાનના દાવા કરવામાં આવી રહયા છે,જોકે,ઇરાને હજુપણ પીછેહટ કરી નથી પરિણામે યુદ્ધ લાંબુ ખેંચાવાની શકયતા વધી ગઇ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
