Iran War Update: ઈરાનના ટોચના કમાન્ડર અલી લારીજાની અને સુલેમાનીની હત્યા કર્યા બાદ ઇઝરાયલે હવે નવા સર્વોચ્ચ નેતા મોજતબા ખામેનીને ખુલ્લો પડકાર આપ્યો છે. IDF એ જાહેરાત કરી, “અમે તેને પાતાળમાંથી પણ શોધી કાઢી મારી નાખીશું”
એવું કહેવામાં આવી રહ્યું છે કે હાલ મોજતબા રશિયામાં છે અને ત્યાં સારવાર લઈ રહયા છે જોકે,ઈરાને આ અંગે કોઈ સત્તાવાર નિવેદન આપ્યું નથી અગાઉ ઇરાને કહ્યું હતું કે મોજતબા એકદમ સ્વસ્થ છે અને કોઈ ઇજા થઇ નથી, હવે ઇઝરાયલનો આગલો ટાર્ગેટ મોજતબા છે જેઓને શોધીને મારી નાખવાનો છે.
મધ્ય પૂર્વમાં ચાલી રહેલા તણાવ વચ્ચે, ઇઝરાયલી સંરક્ષણ દળો (IDF) એ ઈરાનના ટોચના નેતૃત્વને સીધી ચેતવણી આપી છે. ઇઝરાયલે સ્પષ્ટ કર્યું છે કે ઈરાનના નવા સર્વોચ્ચ નેતા, મોજતબા ખામેની હવે તેના લશ્કરી કાર્યવાહીનું લક્ષ્ય છે. IDF પ્રવક્તા બ્રિગેડિયર જનરલ એફી ડેફ્રીને ભારપૂર્વક જણાવ્યું હતું કે ઇઝરાયલ કોઈપણ ખતરાને હળવાશથી નહિ લે અને તેને ખત્મ કરવા અભિયાન ચાલુ રાખશે.
એક પ્રેસ બ્રીફિંગ દરમિયાન, IDF ના પ્રવક્તાએ મોજતબા ખામેનીના અજાણ્યા ઠેકાણા અને તેમના મૌનની ટીકા કરતા કહ્યું, “અમને ખબર નથી કે ક્યાં છે પરંતુ તે સુરક્ષિત નથી અમે તેમનો પીછો કરીશું, તેમને શોધીશું અને તેમને ખતમ કરીશું.” જોકે જે રીતે ઈઝરાયેલ જણાવી રહ્યું છે કે તેઓએ લારીજાનીને મારી નાખ્યા છે પણ ઈરાને હજુ સુધી અલી લારીજાનીના મૃત્યુની સત્તાવાર પુષ્ટિ કરી નથી.
■આ બધા વચ્ચે ઈઝરાયેલના વડાપ્રધાન નેતન્યાહુનો નવો વિડીયો સામે આવ્યો છે જેમાં નેતન્યાહુએ ઈરાની લોકોને નવરોઝની શુભેચ્છા પાઠવી હતી.
تبریک نوروزی نخست وزیر بنیامین نتانیاهو برای مردم ایران
Prime Minister Benjamin Netanyahu’s greetings to the Iranian people on the occasion of Nowruz. pic.twitter.com/fVb0aTvhMZ
— Benjamin Netanyahu – בנימין נתניהו (@netanyahu) March 17, 2026
ઈઝરાયલના વડાપ્રધાન બેન્જામિન નેતન્યાહુએ નવરોઝ અવસરે ઈરાનના લોકોને શુભકામનાઓ પાઠવી હતી. નેતન્યાહુએ એક વીડિયો સંદેશ જાહેર કરીને ઈરાની જનતાને નવા વર્ષની શુભેચ્છાઓ આપી અને તેમના માટે શાંતિ, સમૃદ્ધિ અને ઉજ્જવળ ભવિષ્યની કામના કરી હતી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
