Election News: રાજ્યમાં વડોદરામાં સ્થાનિક સ્વરાજ્યની ચૂંટણીઓ દરમ્યાન ફોર્મ ભરવાના અંતિમ દિવસે ઝપાઝપી-મારામારીના દ્રશ્યો જોવા મળ્યા હવે પ્રચારનો પ્રારંભ થયો છે ત્યારે પ્રચાર દરમિયાન ધમકીઓ-ચીમકીઓ અને એકબીજાની પોલ ખોલવાનું શરૂ થયું છે પૂર્વ ધારાસભ્ય મધુ શ્રીવાસ્તવ જ્યારે વોર્ડ 15માં ચૂંટણી પ્રચાર માટે પહોંચ્યા ત્યારે તેઓએ પોતાના આગવા અંદાજમાં ડભોઇના ધારાસભ્ય શૈલેશ મહેતાને આડકતરી રીતે ચીમકી આપી માપમાં રહેવા જણાવી દીધું હતું તેઓએ એટલે સુધી કહી દીધું હતું કે ચૂંટણી પતી ગયા પછી કોઈ બચાવવા નહીં આવે તે ધ્યાન રાખજો.
દરમિયાન, વડોદરાના વોર્ડ 15માં આવેલી કેટલીક સોસાયટીઓમાં બેનરો લાગ્યા હતા કે, આ સોસાયટી રામભક્તોની છે જેથી કોંગ્રેસે અહીં પ્રવેશ કરવો નહીં. આ મુદ્દે મધુ શ્રીવાસ્તવે જણાવ્યું હતું કે, અમે વર્ષોથી રામભક્ત છે અને સનાતની છીએ. અમે અમારી જમીનો વેચીને હનુમાનજીની ઊંચી પ્રતિમા બનાવી છે. અમારે કોઈના સર્ટિફિકેટની જરૂર નથી આ બેનરો ઉતારી લેજો નહીં તો ચૂંટણી પછી કોઈ બચાવવા નહીં આવે. આ મધુ શ્રીવાસ્તવ છે આજે પણ તમને હરાવવાની તાકાત રાખે છે.
તેઓએ કહ્યું કે જેની પાસે કઈ ન હતું તેઓ આજે કરોડપતિ બની ગયા છે,સ્કૂલો ખોલી ચીટિંગ કરવું,જમીનો હડપવી પેટ્રોલ પંપ બનાવવા આવા બધા ગોરખ ધંધા ચાલે છે શ્રીવાસ્તવે કહ્યું મારી પાસે 250 જમીન હતી હવે 35 વિઘા જમીન રહી છે એ બધી જમીન વેચી લોકસેવા કરી હોવાનું જણાવી વિરોધીઓને ચેલેન્જ કરી હતી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
