Dahod Mgnrega Scam: દાહોદ જિલ્લાના ડીઆરડીએ પોલીસમાં મનરેગા હેઠળ રૂપિયા 71 કરોડની ગેરરીતિ થઈ હોવાની ફરિયાદ નોંધાવી હતી જેમા મંત્રી બચુ ખાબડના પુત્ર બળવંત ખાબડ અને કિરણ ખાબડની સંડોવણી હોવાનું બહાર આવ્યું હતું. ત્યારે બે દિવસ પહેલા દાહોદ પોલીસે BJPમંત્રી બચુ ખાબડના પુત્ર બળવંત ખાબડની ધરપકડ કરી હતી. ત્યારે હવે તેમના બીજા પુત્ર કિરણ ખાબડની પણ હવે ધરપકડ કરવામાં આવી હોવાની વિગતો સામે આવી છે.

મંત્રી બચુ ખાબડના બીજા પુત્ર કિરણની ધરપકડ

મળતી માહિતી મુજબ મનરેગા કૌભાંડમાં મંત્રી બચુ ખાબડના બંન્ને પુત્રોનું નામ સામે આવતા પોલીસે આ મામલે કાર્યવાહી હાથ ધરી હતી જે અંતર્ગત બચુ ખાબડના મોટા પુત્ર બળવંતને પોલીસે બે દિવસ પહેલા જ ઝડપી લીધો હતો ત્યારે તેમના નાના દીકરા કિરણની વહેલી સવારે વડોદરા-હાલોલ હાઇવે પરથી ધરપકડ કરવામા આવી છે અને હાલ તેની પૂછપરછ કરવામા આવી રહી છે.

કેવી રીતે આચરવામાં આવ્યું સમગ્ર કૌભાંડ?

ઉલ્લેખનીય છે કે, દાહોદ જિલ્લાના દેવગઢ બારિયા અને ધાનપુર તાલુકાના માત્ર ત્રણ ગામોમાં મનરેગા યોજનાનું કૌભાંડ સામે આવ્યું હતું. જેમાં વર્ષ 2021થી 2024 સુધી મનરેગા યોજનામાં એલ 1 તરીકે અધિકૃત ન હોય તેવી એજન્સીઓને છેલ્લા ત્રણ વર્ષમાં 70 કરોડ રૂપિયાનું ચૂકવણું કરી દેવામાં આવ્યુ હોવાનો ખુલાસો થયો હતો. આ કૌભાંડ સરકારી અધિકારી, કરાર આધારિત કર્મચારીઓ અને એજન્સીઓની મિલિભગતથી આચરવામાં આવ્યું હતું. કૌભાંડી એજન્સીઓ સાથે મંત્રીના પુત્રોના તાર જોડાયેલા છે. આ મામલે જિલ્લા ગ્રામ વિકાસ એજન્સીના નિયામક બી. એમ. પટેલે ફરિયાદ નોંધાવી, જે બાદ પોલીસે તપાસ શરૂ કરવામાં આવી હતી.

FIRમાં નામ નોંધાય તે કરી હતી આગોતરા જામીન અરજી

આ મામલે જ્યારે તેમનું નામ સામે આવ્યું હતુ ત્યારે FIRમાં નામ નોંધાય તે પહેલા જ બચુ ખાબડના પુત્રોએ કોર્ટમાં આગોતરા જામીન અરજી કરી હતી. અગાઉ આ મામલે પોલીસે ચાર વ્યક્તિની ધરપકડ કરી હતી.

શું હવે પિતા પુત્રોને બચાવશે?

ગરીબોને રોજગારી આપતી મનરેગા યોજનામાં પણ મંત્રી પુત્રોએ ભ્રષ્ટાચાર કર્યો હતો. મંત્રી પુત્રો અને એજન્સીઓએ બારોબાર જ બિલો પાસ કરાવી લાખો કરોડો સેરવી લીધા હતાં. આ મામલે જ્યારે મંત્રીને સવાલ કરવામા આવ્યો હતો ત્યારે પુત્રોના કૌભાંડ પર તેઓ બોલવાનું ટાળ્યું હતુ ત્યારે અહી સવાલ તે થાય છે કે, શું ખુદ મંત્રી બચુ ખાબડે જ સત્તાનો દૂરપયોગ કરી પુત્રોને મનરેગાના કામો અપાવી ફાયદો કરાવ્યો હતો. આ મામલે મુખ્યમંત્રી સુધી પણ ફરિયાદ કરવામા આવી છે ત્યારે આ મામલે મંત્રી પોતાના પુત્રોને બચાવી લે છે કે પછી કાયદેસરની કાર્યવાહી થાય છે તે જોવું રહ્યું…

આ પણ વાંચોઃ