GOVINDA HEALT UPDATE | બોલિવૂડ અભિનેતા ગોવિંદા બેભાન થઈ જતા મોડી રાત્રે હોસ્પિટલમાં દાખલ કરવામાં આવ્યા છે. અભિનેતા તેમના ઘરે અચાનક બેહોશ થઈ પડી જતા તેમને જુહુ ખાતેના તેમના ઘર નજીક આવેલી ક્રિટિકલ કેર હોસ્પિટલમાં દાખલ કરવામાં આવ્યા છે.
મંગળવારે (11 નવેમ્બર) રાત્રે ગોવિંદા પોતાના ઘરે બેભાન થઈ ગયા હતા. ત્યાર બાદ તેને હોસ્પિટલમાં દાખલ કરવામાં આવ્યા છે. એક્ટરના વકીલ અને મિત્ર લલિત બિંદલેએ આ વાતની પુષ્ટિ કરી છે. તેમના મતે, એક્ટરની તબિયત લથડતા તેમને ઇમરજન્સી રૂમમાં લઈ જવાયા છે.
ગોવિંદાના મિત્ર લલિત બિંદલે પીટીઆઈ સાથેની વાતચીતમાં જણાવ્યું કે”તે સાંજે ઘરે અચાનક બેહોશ થઈ ગયા પછી ફોન આવતા પોતે ત્યાં દોડી ગયા અને ગોવિંદને જુહુ સ્થિત ક્રિટિકલ કેર હોસ્પિટલમાં એડમિટ કરાય છે, તે હાલ ડોકટરોની દેખરેખ હેઠળ છે અને સારવાર ચાલી રહી છે.” આ સમાચાર સામે આવતા જ તે સોશિયલ મીડિયા પર વાયરલ થયા હતા.
અભિનેતાના મિત્ર લલિત બિંદલે ઇન્સ્ટાગ્રામ પોસ્ટ દ્વારા આ સમાચાર શેર કર્યા છે.
તેમણે લખ્યું, કે “મારા પ્રિય મિત્ર ગોવિંદાને બેભાન થયા બાદ હોસ્પિટલમાં દાખલ કરવામાં આવ્યા છે. હું તેમના ઝડપથી સ્વસ્થ થવાની કામના કરું છું.”
લેટેસ્ટ અપડેટ અનુસાર, અભિનેતા સ્વસ્થ છે અને ડોકટરોની દેખરેખ હેઠળ છે. એવું કહેવામાં આવી રહ્યું છે કે અભિનેતાના અનેક મેડિકલ ટેસ્ટ કરવામાં આવ્યા છે અને રિપોર્ટની રાહ જોવામાં આવી રહી છે.
અત્રે ઉલ્લેખનીય છે કે ગોવિંદાને હોસ્પિટલમાં દાખલ કરવામાં આવ્યા તેના એક દિવસ પહેલા જ, તેઓ દિગ્ગજ અભિનેતા ધર્મેન્દ્રને મળવા હોસ્પિટલમાં ગયા હતા. ધર્મેન્દ્ર મુંબઈની બ્રીચ કેન્ડી હોસ્પિટલમાં સારવાર લઈ રહ્યા છે. હોસ્પિટલની બહારથી ગોવિંદાનો એક વીડિયો વાઈરલ થઈ રહ્યો છે, જેમાં અભિનેતા પોતે ગાડી ચલાવીને હોસ્પિટલ જતા જોવા મળે છે, જેમાં તે ભાવુક દેખાય છે.
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
