Jamnagar, Bribe in Police Department: પોલીસ વિભાગમાં સતત ભ્રષ્ટાચાર વધી રહ્યો છે. ત્યારે જામગનરમાંથી લાંચિયા પોલીસકર્મી રંગે હાથ પકડાઈ જતાં ખળભળાટ મચી ગયો છે.
રાજકોટ એન્ટી-કરપ્શન બ્યુરો (ACB)એ બુધવારે રાત્રે જામનગરના સમર્પણ સર્કલ વિસ્તારમાં ટ્રેપ ગોઠવી એક પોલીસકર્મીને લાંચ લેતા રંગે હાથ ઝડપી લેતા પોલીસ બેડામાં ચકચાર મચી ગયો છે. ઉદ્યોગ નગર પોલીસ ચોકીના PSI આર.ડી. ગોહિલ અને રાઈટર ધનાભાઈ બટુકભાઈ મોરી વતી રૂ. 1 લાખની લાંચ લેતા પોલીસકર્મી રવિભાઈ શર્માને રંગે હાથ ઝડપી લીધો. PSI ગોહિલ અને રાઈટર મોરી હાલ ફરાર છે, અને તેમની શોધખોળ ચાલુ છે.
મળતી માહિતી અનુસાર જામનગર શહેરના સિટી ‘સી’ ડિવિઝન પોલીસ સ્ટેશન હેઠળની ઉદ્યોગનગર પોલીસ ચોકીમાં જાગૃત નાગરિક વિરૂધ્ધ અગાઉ ચીટીંગની અરજી થઇ હતી. આ અરજી અંગે ભવિષ્યમાં હવે કોઇ અરજી આવશે તો જાણ કરવા તેમજ હેરાન નહીં કરવા મામલે પોલીસ ચોકીના પી.એસ.આઇ.આર.ડી ગોહિલ અને તેના રાઈટર ધમભાઈ બટુકભાઈ મોરીએ તેમને પોલીસ ચોકીમાં બોલાવ્યા બાદ આગળની તપાસમાં હેરાન પરેશાન નહીં કરવા માટે રૂપિયા 1 લાખની લાંચ ની માંગણી કરી હતી. આ રકમ SOG માં ફરજ બજાવતા પોલીસ કર્મચારી રવિભાઈ ગોવિંદભાઈ શર્મા ને આપવા માટેનું નક્કી થયું હતું.
જોકે છેતરપીંડીની અરજી મામલે જાગૃત નાગરિક લાંચની રકમ આપવા માંગતા ન હોવાથી નાગરિકે જામનગર ACBમાં ફરિયાદ કરી હતી. જેથી રાજકોટ ACB ઇન્ચાર્જ મદદનીશ નિયામક જે. એમ. આલની સૂચનાથી પીઆઇ આર. એન. વિરાણી તથા સ્ટાફએ છટકું ગોઠવ્યું હતું.
છટકા દરમ્યાન જામનગરમાં સમર્પણ સર્કલ, જકાતનાકા રોડ પર, પંચાયત કાફે રેસ્ટોરન્ટની બાજુમાંથી ગઇકાલે રાઇટર પો.કો. ધમભાઇ મોરી અને પીએસઆઇ આર. ડી. ગોહિલ વત્તી રૂ. 1 લાખની લાંચ લેતા SOGના પોલીસ કોન્સ્ટેબલ રવિ ગોવિંદ શર્માને ACB ની ટીમએ રંગે હાથ ઝડપી લીધો હતો. તેમજ આ લાંચની રકમ કબ્જે કરી રાઇટર ધમભાઇ, પીએસઆઇ આર. ડી. ગોહિલ અને પો.કો. રવિ શર્મા સામે કાર્યવાહી હાથ ધરાઈ છે.
પૂછપરછ દરમિયાન રવિભાઈએ કબૂલ્યું કે તેણે PSI ગોહિલ અને રાઈટર મોરી વતી લાંચની રકમ સ્વીકારી હતી. ACBએ આરોપીઓ વિરુદ્ધ ભ્રષ્ટાચાર નિવારણ અધિનિયમ (Prevention of Corruption Act, 1988) હેઠળ કેસ નોંધ્યો છે અને ફરાર આરોપીઓની શોધખોળ શરૂ કરી છે.
જામનગર પોલીસમાં હડકંપ
આ ઘટનાએ જામનગરના પોલીસ વિભાગમાં ભારે હલચલ મચાવી છે. ACBની આ સફળ ટ્રેપે પોલીસ તંત્રની કામગીરી પર સવાલો ઉભા કર્યા છે, ખાસ કરીને જ્યારે SOG જેવા વિશેષ દળના કર્મચારી આવા કૃત્યમાં સંડોવાયેલા હોય. સ્થાનિક નાગરિકોમાં પણ આ ઘટના અંગે ચર્ચાઓ શરૂ થઈ છે, અને ઘણાએ પોલીસ વિભાગમાં પારદર્શિતા અને જવાબદારીની માગણી કરી છે.
આ પણ વાંચો:
ગુજરાત, દિલ્હી અને રાજસ્થાનમાં ED ના દરોડા, 2700 કરોડની છેતરપિંડી મામલો
Dehradun: પોલીસને જોતા જ પટાવાળોએ 2 હજાર રુપિયા પેટમાં ઉતારી દીધા!
જામગનર ACBની ટ્રેપમાં ગાંધીનગરમાંથી ASI 2 લાખની લાંચ લેતાં રંગે હાથ ઝડપાયો
Ahmedabad:શહેરની જાણીતી કલબમાં પોલીસના દરોડા, દારૂની મહેફિલ માણતા 9 લોકોની અટકાયત
ગુજરાત સમાચાર પર IT-ED ના દિલધડ દરોડા બાદ સન્નાટો!, છાપુ ચલાવતી કંપનીનું શેર માર્કેટમાં રોકાણ કેમ?
La Curfew: ટ્રમ્પની ઇમિગ્રેશન કડક કાર્યવાહીનો લોસ એન્જલસમાં ઉગ્ર વિરોધ, કર્ફ્યુ લાગુ
US: લોસ એન્જલસ સળગ્યું, ટ્રમ્પે કમાન્ડો તૈનાત કરતાં સ્થિતિ વધુ વણસી, જાણો આખો વિવાદ
ગીર સોમનાથ જીલ્લામાં ખનીજચોરોને અજબો રુપિયાનો દંડ, સૌથી વધુ કોડીનારમાં | Mineral theft
Junagadh: રેતી ભરેલા ડમ્પરે એક્ટિવા પર સવાર દંપતિને ટક્કર મારી, પતિનું ઘટનાસ્થળે જ મોત
Junagadh: અકસ્માતમાં ત્રણ યુવકના મોત, એક સાથે 3 જનાજા નીકળ્યા
11 વર્ષથી ગુજરાત શિક્ષણ વિભાગની વેબસાઈટ અપડેટ થઈ નથી!, નેતાઓની માહિતી અપડેટ | Gujarat Education
Gir Somnath: પોલીસે માર મારતાં યુવકનો ઝેરી દવા પી આપઘાતનો પ્રયાસ: આક્ષેપ
