Donald Trump: ઈઝરાયેલ અને લેબનોન વચ્ચે સીઝ ફાયર થયા બાદ ઈરાને હોર્મુઝ સ્ટ્રેટ ખોલી નાખવાની જાહેરાત કરી પણ અમેરિકાએ નાકાબંધી ચાલુ રાખતા ઇરાને તેનો વિરોધ કર્યો તેમછતાં અમેરિકાના વલણમાં કોઈ ફેર નહી પડતા આખરે ઇરાને ફરીથી આ જળમાર્ગ બંધ કરી દીધો છે ઈરાનના સંયુક્ત લશ્કરી કમાન્ડે શનિવારે જણાવ્યું હતું કે હોર્મુઝ સ્ટ્રેટ પરનું નિયંત્રણ તેની પાછલી સ્થિતિમાં આવી ગયું છે, અને ચેતવણી આપી હતી કે જ્યાં સુધી ઈરાની બંદરો પર અમેરિકા નાકાબંધી ચાલુ રહેશે ત્યાં સુધી ઈરાન હોર્મુઝ સ્ટ્રેટ પર નિયંત્રણ ચાલુ રાખશે અને કોઈપણ જહાજ નહિ નીકળવા દે આમ,વિશ્વમાં માંડ હાશકારો થયો ત્યાં અમેરિકાના વલણને લઈ ફરી તેલ-ગેસ પરિવહન ઉપર સંકટ ટોળાયું છે.
માંડ કરીને ઈરાને હોર્મુઝ સ્ટ્રેટ ખોલી નાખ્યો ત્યારે લાગતું હતું કે હવે સારા દિવસો આવશે પણ ફરી ટ્રમ્પ આડા ફાટયા અને હવે એવું કહેવા લાગ્યા કે જ્યાં સુધી તેહરાન અમેરિકા સાથે કોઈ કરાર ન કરે ત્યાં સુધી અમેરિકાની નાકાબંધી સંપૂર્ણ રીતે અમલમાં રહેશે, જેમાં તેના પરમાણુ કાર્યક્રમ પર કરાર પણ શામેલ છે.
આમ,ઈરાન આ વાત સાથે સહમત ન હોય ઇરાને ફરી હોર્મુઝ સ્ટ્રેટ બંધ કરી દીધું છે અને વાત ત્યાંની ત્યાંજ આવીને અટકી ગઈ છે.
ટ્રમ્પને જવાબ આપતા ઈરાની સંસદના સ્પીકર બાકિર ગાલિબાફે કહ્યું કે ટ્રમ્પે એક કલાકમાં સાત ખોટા દાવા કર્યા છે હવે જો યુએસ નાકાબંધી ચાલુ રહેશે, તો ઈરાન હોર્મુઝ સ્ટ્રેટ બંધ કરી શકે છે. હોર્મુઝ સ્ટ્રેટ ખુલ્લું રહેશે કે બંધ અને તેને સંચાલિત કરવાના નિયમો શું હશે, તે સોશિયલ મીડિયા પર નહીં, પરંતુ જમીની પરિસ્થિતિઓ પર આધારિત નક્કી કરવામાં આવશે.
દક્ષિણ આફ્રિકામાં ઈરાની દૂતાવાસે ‘X’ પર લખ્યું, ‘હોર્મુઝ સ્ટ્રેટમાંથી પસાર થવાની પરવાનગી સોશિયલ મીડિયા દ્વારા આપવામાં આવતી નથી.’
આમ,ટ્રમ્પની મજાક ઉડાવવામાં આવી અને વારંવાર સોશ્યલ મીડિયા ઉપર ગપ્પા માર્યા કરતા ટ્રમ્પને ઈરાને વળતો જવાબ આપી ફરી હોર્મુઝ સ્ટ્રેટ બંધ કરી દીધું છે જેનાથી વિશ્વભરમાં ફરી ચિંતાના વાદળો છવાયા છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
