surat:ચાલુ કથામાં આગતા સ્વાગતાથી પાટીલના પુત્ર પર કથાકારનો પારો છટક્યો, જાહેરમાં જ કરી નાખી ફજેતી

Surat: ભાજપના નેતાઓ હોય કે નેતાના પુત્ર હોય તેમનામાં સ્વાગતની ભુખ હોય છે. એટલા માટે જ્યાંરે પણ કોઈ કાર્યક્રમ હોય ત્યારે કાર્યક્રમનો ઘણો ખરો સમય તો નેતાઓના સ્વાગત માટે જતો રહે છે. ક્યારેક તો એવું લાગે કે, માત્ર નેતાઓના સ્વાગત માટે કાર્યક્રમ રાખવામા આવ્યો હોય, ત્યારે સુરતમાં તો હદ થઈ હતી. જેમાં એક કથામાં પણ સીઆર પાટીલ સહિત ભાજપ નેતાઓનું આગતા સ્વાગતા કરવામાં આવતા કથાકાર પણ અકળાઈ ગયા હતા અને પાટીલ પુત્ર સહિતના નેતાઓની જાહેરમાં ફજેતી થઈ ગઈ હતી.

ચાલુ કથામાં આગતા સ્વાગતાથી કથાકારનો પારો છટક્યો

સુરતમાં મધુરમ સર્કલ પાસે ડિંડોલી ખાતે નિલકંઠેશ્વર મહાદેવ પ્રાણ પ્રતિષ્ઠા મહોતસ્વ અંતર્ગત મહારાજ લલિત નાગરની શિવમહાપુરાણ ચાલી રહી હતી ત્યારે ચાલુ શિવકથામાં ખાસ નેતાઓના આગતા સ્વાગતા કાર્યક્રમને કારણે કથાકાર બરાબરનાં અકળાયા હતા. જ્યારે પાટીલના પુત્રને સંબોધન કરવા માટે ઉભા કરવામા આવ્યા હતા. ત્યારે તેમણે ભારત માતા કી જયના નારા લગાવ્યા બાદ, ધારાસભ્ય સંગીતા પાટીલ, સુરત શહેરના માજી ઉપપ્રમુખ,મહાનગર ડેપ્યુડી મેયર સહિતના પદાધિકારીઓના નામ લઈને સંબોધન કર્યું હતું. તેમજ તેમણે અહીં પ્રોટોકોલની પણ વાત કરી હતી કે, પ્રોટોકોલ શીખો કે પહેલા માઈક કોને આપવું. ત્યારે આગતા સ્વાગતાથી અચાનક કથાકાર અકળાઈ ઉઠ્યા હતા અને તેમણે આયોજકોને કહી દીધું હતુ કે, હવેથી જ્યારે પણ કોઈ કાર્યક્રમ રાખવામા આવે ત્યારે કહી દેજો કે કથા એક જ શર્ત પર થશે કે જ્યારે પણ કથા હોય ત્યારે અતિથિઓ આરતી પછી આવે અને કથાની વચ્ચે કોઈને આમંત્રણ આપવામાં ન આવે. તેમને કથાકરાવી હોય તો ઠીક નહીતર દુનિયામાં બહુ મહારાજ છે.

વધુમાં તેમણે રોષ વ્યક્ત કરતા કહ્યું કે, તેઓએ કથાને ખેલ સમજે છે. એક કામ કરો એક દિવસ કથાનો સમન્માનનો જ રાખી લો. અહીં આવેલા લોકો પાગલ છે કે તેઓ કથા છોડીને અહીં આવી રહ્યા છે. કોઈ વસ્તુનો પ્રોટોકોલ છે. કથા વચ્ચે હાર તોળા કરવામાં જ સમય બરબાદ થઈ જશે તો લોકોને શું સંભળાવીશું?

શું જાહેરમાં ફજેતી થયા બાદ હવે પાટિલ પુત્ર સન્માન સ્વીકારશે ?

મહત્વનું છે કે, એક તરફ પાટીલે પહેલગામ હુમલાનો બદલો ન લેવાય ત્યાં સુધી સન્માન સ્વીકારવાનો ઈન્કાર કર્યો છે. જ્યારે બીજી તરફ પાટીલના પુત્ર જીજ્ઞેશ પાટિલને કથામાં પણ સન્માન જોઈએ છે. એવું લાગે છે તેઓ કથા સાંભળવા નહીં પરંતુ પોતાનું સ્વાગત કરાવવા જ ગયા હતા. આમ કથાને ભાજપ કાર્યક્રમ સમજીને સ્વાગત કરતા પાટીલપુત્ર પર કથાકારનો એવો બાટલો ફાટ્યો હતો કે તેમણે કથાના મંચ પરથી જ પોતાનો રોષ વ્યક્ત કર્યો હતો અને ચાલુ કાર્યક્રમમાં જ પાટીલના પુત્ર જીજ્ઞેશ પાટિલની ફજેતી કરી નાખી હતી. આમ સ્વાગતની જગ્યાએ પાટીલના પુત્રનું જાહેરમાં અપમાન થઈ ગયું છે ત્યારે પાટીલ પુત્ર હવે સન્માન સ્વીકારશે કે, પછી પિતાની જેમ તેઓ પણ સન્માન ફગાવશે? તે જોવું રહ્યું…