Pakistan: ફરી એકવાર ઈરાન-અમેરિકા વચ્ચે પાકિસ્તાનમાં મંત્રણા થવાની છે પણ આ વખતે તે બેઠક થોડી અલગ હશે,જેમાં ઈરાન સીધા અમેરિકન પ્રતિનિધિ મંડળ સાથે ચર્ચા નહિ કરે પણ તે પાકિસ્તાન સાથે મિટિંગ કરી પોતાની શરતો પાકિસ્તાન સમક્ષ મુકશે અને પાકિસ્તાન ઇરાનની શરત અમેરિકાને સમક્ષ મુકશે. આમ,ઈરાન સ્પષ્ટતા કરી ચૂક્યું છે કે, તેઓ અમેરિકી અધિકારીઓ સાથે સીધી મુલાકાત નહી કરે.
બીજી તરફ રાષ્ટ્રપ્રમુખ ડોનાલ્ડ ટ્રમ્પના ખાસ પ્રતિનિધિઓ આજે પાકિસ્તાન જવા નીકળશે અમેરિકા તરફથી સ્ટીવ વિટકોફ અને જમાઈ જેરેડ કુશનર પાકિસ્તાન પહોંચશે. ઉપરાષ્ટ્રપ્રમુખ જેડી વેન્સ પણ આવી શકે ઉલ્લેખનીય છે કે ઈરાનના વિદેશ મંત્રી અબ્બાસ અરાકચી અગાઉથી જ શુક્રવારે ઇસ્લામાબાદ પહોંચી ગયા છે.
ઈરાનના વિદેશ મંત્રાલયે સોશિયલ મીડિયા પ્લેટફોર્મ X પર જણાવ્યું છે કે, તેમના અધિકારીઓ અમેરિકી પ્રતિનિધિઓને મળશે નહીં. ઈરાન પોતાની વાત મધ્યસ્થી પાકિસ્તાન મારફતે જ અમેરિકા સુધી પહોંચાડશે. બીજી તરફ, ટ્રમ્પે મીડિયાને કહ્યું હતું કે, ઈરાન તરફથી એક મોટી ઓફર છે જે અમેરિકાની શરતો મુજબની છે. જોકે,તે ઓફર શું છે તે જાણી શકાયું નથી.
અમેરિકાના સંરક્ષણ સચિવ પીટ હેગસેથે કહ્યું છે કે “ઈરાન પાસે આ એક મંત્રણા માટેની તક છે, જેમાં ઇરાને માત્ર પરમાણુ હથિયારોનો ત્યાગ કરવાનો છે ઈરાન-અમેરિકા વચ્ચેના સંઘર્ષના કારણે વિશ્વભરમાં મોંઘવારીનો આંકડો વધી રહ્યો છે.
શાંતિ મંત્રણામાં અનિશ્ચિતતાને કારણે બ્રેન્ટ ક્રૂડના ભાવમાં આ સપ્તાહે 16% નો ઉછાળો જોવા મળ્યો છે. વિશ્વના કુલ તેલ પુરવઠાનો પાંચમો ભાગ જ્યાંથી પસાર થાય છે તે હોર્મુઝ રૂટ ઉપર તણાવ છે. જ્યાં અગાઉ રોજના 130 જહાજ પસાર થતા હતા જે હવે ઘટીને માત્ર માંડ પાંચ જહાજ પસાર થઈ રહયા છે હાલ ફરી એકવાર સમગ્ર વિશ્વની નજર ઇસ્લામાબાદ પર ટકેલી છે,જ્યાં અગાઉ ઈરાન-અમેરિકા વચ્ચે મંત્રણા નિષ્ફળ રહી હતી હવે બીજીવાર બેઠક મળી રહી છે ત્યારે શું નિર્ણય આવે છે તેની ઉપર સૌની મીટ મંડાઈ છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
