Bangladesh Anti India Protest: બાંગ્લાદેશની રાજધાની ઢાકામાં શુક્રવારે જુમાની નમાજ પૂર્ણ થયા બાદ અચાનક એક મોટું ભારત-વિરોધી જુલૂસ કાઢવામાં આવ્યું હતું, જેના કારણે બંને દેશો વચ્ચેના રાજદ્વારી સંબંધોમાં ફરી તણાવ વધવાની આશંકા સેવાઈ રહી છે. આ હિંસક અને ઉશ્કેરણીજનક પ્રદર્શનનું નેતૃત્વ બાંગ્લાદેશના કુખ્યાત ઇસ્લામી કટ્ટરપંથી સંગઠનો અને દક્ષિણપંથી વલણ ધરાવતા કટ્ટરવાદી રાજકીય પક્ષોએ સંયુક્ત રીતે કર્યું હતું. સેંકડોની સંખ્યામાં કટ્ટરપંથીઓ ઢાકાના મુખ્ય માર્ગો પર ઉતરી આવ્યા હતા અને હાથમાં ભારત વિરોધી પોસ્ટરો તેમજ બેનરો લહેરાવીને જોરદાર નારેબાજી કરી હતી. જુલૂસમાં સામેલ પ્રદર્શનકારીઓએ ભારત સરકાર પર ગંભીર આક્ષેપો લગાવતા દાવો કર્યો હતો કે પશ્ચિમ બંગાળમાં મુસ્લિમ સમુદાયના લોકો સાથે કથિત રીતે અત્યાચાર કરવામાં આવી રહ્યો છે અને આ જ અન્યાયના વિરોધમાં તેઓ રસ્તા પર ઉતરીને પોતાનો આક્રોશ વ્યક્ત કરી રહ્યા છે.
ચર્ચિત પત્રકાર શોએબ ચૌધરીનો ખુલાસો: ટીએમસીની હાર અને ભાજપની જીતથી કટ્ટરપંથીઓ અકળાયા
બાંગ્લાદેશના જાણીતા વરિષ્ઠ પત્રકાર સલાહુદ્દીન શોએબ ચૌધરીએ આ પ્રદર્શન પાછળના અસલી કારણોનો પર્દાફાશ કરતા જણાવ્યું છે કે, ઢાકામાં કાઢવામાં આવેલું આ ભારત વિરોધી જુલૂસ વાસ્તવમાં ‘પશ્ચિમ બંગાળની તાજેતરની વિધાનસભા ચૂંટણીમાં ભારતીય જનતા પાર્ટી (BJP) ની ઐતિહાસિક જીત’ અને ત્યાં સત્તા પરિવર્તન થવાના કારણે પેદા થયેલી નારાજગીનું પરિણામ છે. ચૌધરીએ ખુલાસો કર્યો કે બાંગ્લાદેશના કટ્ટરપંથી સંગઠન ‘જમાત-એ-ઇસ્લામી’ અને તેના સહયોગી જૂથો પશ્ચિમ બંગાળમાં લાંબા સમયથી મમતા બેનર્જીની તૃણમૂલ કોંગ્રેસ (TMC) પાર્ટીના ખુલ્લા સમર્થક રહ્યા છે. શોએબ ચૌધરીએ સોશિયલ મીડિયા પર શેર કરેલા વીડિયોમાં સ્પષ્ટ જોઈ શકાય છે કે કઈ રીતે સેંકડો લોકો પશ્ચિમ બંગાળના બહાને ભારત વિરૂદ્ધ ઝેર ઓકી રહ્યા છે અને વાતાવરણ ડહોળવાનો પ્રયાસ કરી રહ્યા છે.
Anti-India procession in Dhaka!
Islamists brought out a huge procession in Dhaka city after Friday prayers against “persecution of Muslims in India following victory of Bharatiya Janata Party (BJP) in West Bengal elections”. Islamists in Bangladesh, including Jamaat-e-Islami have… pic.twitter.com/YKehx6qSpa— Salah Uddin Shoaib Choudhury (@salah_shoaib) May 22, 2026
મોહમ્મદ યુનુસના શાસનમાં મળતું હતું સંરક્ષણ
બાંગ્લાદેશમાં મુખ્ય વિરોધ પક્ષ જમાત-એ-ઇસ્લામી સહિતના કેટલાય કટ્ટરપંથી જૂથોનો મુખ્ય એજન્ડા જ હંમેશાથી ભારત વિરોધી રાજનીતિ કરવાનો રહ્યો છે. અગાઉ જ્યારે દેશમાં મોહમ્મદ યુનુસની વચગાળાની સરકાર (Interim Government) શાસન પર હતી, ત્યારે આ ભારત વિરોધી પ્રવૃત્તિઓ અને આક્રોશ તેની ચરમસીમાએ પહોંચી ગયો હતો. યુનુસના શાસનકાળ દરમિયાન બાંગ્લાદેશમાં સતત ભારત વિરોધી પ્રદર્શનો અને ઝેરીલા નિવેદનો આપવાની ખુલ્લી છૂટ મળતી હતી, અને એવા આક્ષેપો પણ થયા હતા કે મોહમ્મદ યુનુસ તરફથી આવા ભારત વિરોધી અસામાજિક તત્વોને પડદા પાછળથી સતત સરકારી સંરક્ષણ પૂરું પાડવામાં આવતું હતું, જેના કારણે હિન્દુ લઘુમતીઓ પર પણ હુમલા વધ્યા હતા.
બાંગ્લાદેશના રાજકારણમાં મોટો પલટો આવ્યો અને તારિક રહેમાન દેશના નવા વડાપ્રધાન (PM) બન્યા બાદ, તેમણે ભારત સાથેના વણસેલા દ્વિપક્ષીય સંબંધોને સુધારવા માટે સકારાત્મક પ્રયાસો શરૂ કર્યા હતા. તારિક રહેમાનના સત્તા સંભાળ્યા પછી કટ્ટરપંથીઓ પર થોડી લગામ કસાતા આ પ્રકારના ભારત વિરોધી પ્રદર્શનોમાં મોટો ઘટાડો નોંધાયો હતો અને લાંબા સમયથી ઢાકાના રસ્તાઓ પર કોઈ ભારત વિરોધી રેલી નીકળી નહોતી. પરંતુ શુક્રવારે જુમાની નમાજ બાદ કટ્ટરપંથીઓએ આ શાંતિનો ક્રમ તોડી નાખ્યો છે. હવે સમગ્ર દક્ષિણ એશિયાના રાજદ્વારી નિષ્ણાતોની નજર એ વાત પર ટકેલી છે કે વડાપ્રધાન તારિક રહેમાનની વર્તમાન સરકાર પોતાના દેશમાં ફરી માથું ઊંચકતા આ ભારત વિરોધી કટ્ટરપંથી તત્વો સામે કયા પ્રકારના કડક કાનૂની પગલાં ભરે છે.
નાહિત ઇસ્લામ સહિતના નેતાઓની બેચેની
પશ્ચિમ બંગાળની વિધાનસભા ચૂંટણીમાં ભારતીય જનતા પાર્ટીએ મમતા બેનર્જીના દાયકાઓ જૂના ગઢ અને ટીએમસી શાસનને ઉખેડી ફેંકીને પૂર્ણ બહુમતી સાથે સત્તા હાસિલ કરી લીધી છે. ભાજપની આ પ્રચંડ જીત બાદથી જ બાંગ્લાદેશના રાજકીય ગલિયારાઓમાં ભારે ખળભળાટ મચી ગયો છે. બાંગ્લાદેશી નેતા નાહિદ ઇસ્લામ સહિતના કેટલાય દક્ષિણપંથી પક્ષોના નેતાઓએ આ જીત પર ચિંતાજનક નિવેદનો આપ્યા છે. આ નેતાઓનું માનવું છે કે પશ્ચિમ બંગાળની સરહદો બાંગ્લાદેશ સાથે સીધી જોડાયેલી હોવાથી, ત્યાં થયેલું આ મોટું રાજકીય પરિવર્તન ભવિષ્યમાં બાંગ્લાદેશની આંતરિક સુરક્ષા, ઘૂસણખોરી અને સરહદી સમીકરણો પર ખૂબ મોટી અને વ્યાપક અસર કરી શકે છે.
ઢાકા સ્થિત પ્રખ્યાત લેખક અને પત્રકાર જન્નતુલ નઈમે આ મામલે પોતાનું વિશ્લેષણ રજૂ કરતા દાવો કર્યો છે કે, પશ્ચિમ બંગાળમાં ચૂંટણી પરિણામો જાહેર થયા બાદ ફાટી નીકળેલી કથિત હિંસા અને અશાંતિની ઘટનાઓએ બાંગ્લાદેશના સરહદી વિસ્તારો અને કટ્ટરપંથીઓમાં ભારે બેચેની તેમજ ડરનો માહોલ પેદા કર્યો છે. ભૌગોલિક દ્રષ્ટિએ ભારત અને બાંગ્લાદેશ એકબીજા સાથે આશરે ૨૨૦૦ કિલોમીટર લાંબી અત્યંત સંવેદનશીલ આંતરરાષ્ટ્રીય સરહદ શેર કરે છે, જેનો મોટો હિસ્સો સીધો પશ્ચિમ બંગાળ રાજ્ય સાથે સ્પર્શે છે. આ જ કારણે સરહદ સુરક્ષા અને ભૌગોલિક બાબતોના નિષ્ણાતો માને છે કે સરહદની એક તરફ થતી નાની-મોટી રાજકીય કે સામાજિક હલચલની સીધી અને ત્વરિત અસર સરહદની બીજી તરફ વસતા સમુદાયો પર પડવી સ્વાભાવિક છે, જેનો ફાયદો ઉઠાવીને કટ્ટરપંથીઓ પોતાની રોટલી શેકી રહ્યા છે.
આ પણ વાંચો:
