Lebanon: ઈરાન ઉપર હુમલા નહિ કરવા માટે 14 દિવસના સીઝ ફાયર માટે અમેરિકા અને ઈઝરાયેલ સંમત થઈ ગયા બાદ લેબનોન ઉપર ઈઝરાયલે ભયાનક હુમલો કરી દીધો જેમાં 254 લોકોના મોત થયા અને 800થી વધુ લોકો ઘાયલ થયા આ હુમલા બાદ ઈરાન ભડકયું હતું અને સીઝ ફાયરનું ઉલ્લંઘન ગણાવ્યું બીજી તરફ પાકિસ્તાને પણ આજ વાત કહી છે.
કારણકે પાકિસ્તાનના વડાપ્રધાન શાહબાઝ શરીફે દાવો કર્યો હતો કે યુદ્ધવિરામ સમજૂતીમાં લેબેનોન પણ સામેલ હતો અમેરિકાએ સ્પષ્ટ કરી દીધું છે કે ઈરાન સાથે થયેલા યુદ્ધવિરામ કરારમાં લેબેનોનનો સમાવેશ કરવામાં આવ્યો ન હતો ઈઝરાયલના PM બેન્જામિન નેતન્યાહુએ પણ સીઝ ફાયરમાં લેબેનોનના સમાવેશનો સ્પષ્ટ ઈનકાર કર્યો હતો આમ,બન્ને દેશો ફરી જતા મધ્યસ્થી બનેલા પાકિસ્તાનની ફરી ફજેતી થઈ છે.
બીજી તરફ ઈઝરાયેલના લેબેનોન ઉપર હુમલા બાદ ગુસ્સે ભરાયેલા ઈરાને સાઉદી અરેબિયાની મહત્વની ઈસ્ટ-વેસ્ટ ઓઈલ પાઈપલાઈન પર ડ્રોન અને મિસાઈલથી હુમલો કર્યો. આ પાઈપલાઈન હોર્મુઝ સ્ટ્રેટને બાયપાસ કરવા માટે બનાવવામાં આવી હતી આ પાઈપલાઈન સાઉદી અરેબિયા માટે ખૂબ જ જરૂરી છે, કારણ કે તેના દ્વારા દેશના પૂર્વીય ભાગમાંથી દરરોજ લગભગ 70 લાખ બેરલ તેલ યનબુ પોર્ટ સુધી પહોંચાડવામાં આવે છે. આ સાથે દેશની અન્ય ઓઈલ સુવિધાઓ પણ પ્રભાવિત થઈ છે બીજી તરફ ઈરાને ચેતવણી આપી છે કે જો ઈઝરાયલ લેબનોન પર આવા જ હુમલા કરતો રહેશે, તો તે યુદ્ધવિરામ તોડી શકે છે, જેનાથી સમગ્ર વિસ્તારમાં તણાવ વધુ વધી શકે છે.
ઈરાન હોર્મુઝ સ્ટ્રેટમાંથી પસાર થતા તેલના જહાજો પાસેથી દરેક બેરલ પર 1 ડોલર ટેક્સ લેવાની યોજના બનાવી રહ્યું છે અને ચુકવણી ક્રિપ્ટોકરન્સીમાં ઈચ્છે છે આ સમાચાર ફાઇનાન્સિયલ ટાઇમ્સે સૂત્રોને ટાંકીને આપ્યા છે ઈરાન આ માર્ગેથી પસાર થતા દરેક જહાજ પર નજર રાખશે અને નિયંત્રિત કરશે.
જોકે,ઈરાને હોર્મુઝની સામુદ્રધુની (Strait of Hormuz)નો જળ માર્ગ ખોલી દીધો છે, પરંતુ વ્યાપારી જહાજો માટે નવો વૈકલ્પિક રૂટ જાહેર કર્યો છે. ઈરાનનું કહેવું છે કે મુખ્ય માર્ગમાં ‘સી-માઈન્સ’ (દરિયાઈ સુરંગો)નું જોખમ હોવાથી સુરક્ષાના હેતુથી રસ્તો બદલવામાં આવ્યો છે. હવે તમામ જહાજોએ ઈરાની નૌસેનાના માર્ગદર્શન હેઠળ જ ત્યાંથી નીકળી શકશે.
હવે સીઝ ફાયર વાળો મુદ્દો પણ નાજુક તબક્કામાં છે,અમેરિકાના રાષ્ટ્ર પ્રમુખ ડોનાલ્ડ ટ્રમ્પે જણાવ્યું હતું કે લેબેનોનને યુદ્ધવિરામ કરારમાં ‘હિઝબુલ્લાહના કારણે’ સામેલ કરવામાં આવ્યું નથી ટ્રમ્પે પીબીએસ ન્યૂઝ અવર સાથેની વાતચીતમાં આ મુજબ જણાવ્યું હતું,જ્યારે પાકિસ્તાન કહી રહ્યું છે કે અમે કરારમાં લેબેનોનનો સમાવેશ કર્યો હતો.
ઇઝરાયેલે સીઝ ફાયરમાં લેબનોનનો સમાવેશ નહિ હોવાથી તેઓએ લેબનોનના બૈરૂત, દક્ષિણ લેબનોન અને ઇસ્ટર્ન બેક્કા વેલીમાં એકસાથે દસ જ મિનિટમાં હીઝબુલ્લાહના 100થી વધુ ઠેકાણા પર હુમલો કર્યો હતો.આ હુમલાને ઈઝરાયેલે અત્યાર સુધીને સૌથી મોટો હુમલો ગણાવ્યો હતો આમ,હવે સીઝ ફાયરની વાત ઉપર ગૂંચવાડો ઉભો થયો છે અને 14 દિવસ સુધીમાં કદાચ ચિત્ર બદલાઈ શકે છે
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
