Narendramodi: "સમય બલવાન, નહીં મનુષ્ય બલવાન"

Narendramodi: નરેન્દ્રભાઈ મોદી જ્યારે ગુજરાતના મુખ્યમંત્રી હતા ત્યારે તેઓ આશારામ બાપુના આશ્રમમાં જતા અને બાપુના આર્શીવાદ લેતા હતા અને જાહેર મંચ પરથી બાપુ માટે ભક્તિભાવ પ્રગટ કરી સદા નત મસ્તક રહેતા હતા પણ હવે સમય બદલાઈ ચુક્યો છે અને હવે આશારામ જોધપુરની સગીરા દુષ્કર્મ કેસ મામલે જેલની સજા ભોગવી રહયા છે ત્યારબાદના ઘટનાક્રમમાં ઘણું બધું બદલાઈ ગયું છે પછી નરેન્દ્રભાઈ મોદી મળ્યા હોય તેવુ ધ્યાનમાં આવ્યું નથી પણ લેટેસ્ટ સમાચાર એવા છે કે જ્યાં મોદી મળવા જતા તે આશારામ આશ્રમ તોડી પડવાની તજવીજ જરૂર શરૂ કરવામાં આવી છે.

અમદાવાદમાં ઓલિમ્પિક અને કોમનવેલ્થ ગેમ્સને ધ્યાનમાં રાખીને મોટા પાયે ડેવલપમેન્ટ પ્રોજેક્ટ માટે સરકારી જમીનો ઉપર થયેલા દબાણો દૂર કરવા તંત્ર સજ્જ બન્યું છે ત્યારે આ પ્રોજેકટના બીજા તબક્કામાં નરેન્દ્ર મોદી સ્ટેડિયમની આસપાસ સાબરમતી વિસ્તારમાં આવેલા આસારામ આશ્રમ સહિતના ગેરકાયદે દબાણો દૂર કરવા માટે અમદાવાદ મ્યુનિસિપલ કોર્પોરેશ દ્વારા કાર્યવાહી શરૂ થઈ છે.
અહીં રાજ્ય સરકારની માલિકીની જમીન પર આશારામ આશ્રમ બનેલો છે.

જેની અંદાજીત કિંમત રૂ. 500 કરોડ મનાય છે. સર્વે દરમિયાન આશ્રમમાં 32 જેટલા ગેરકાયદે બાંધકામો કરવામાં આવ્યા છે. AMCના પશ્ચિમ ઝોન દ્વારા આ દબાણો દૂર કરવા માટે અગાઉ નોટિસ ફટકારવામાં આવી હતી.

આશ્રમ સંચાલકોએ આ ગેરકાયદે બાંધકામોને કાયદેસર કરાવવા માટે ઇમ્પેક્ટ ફી (Impact Fee) હેઠળ મંજૂરી મેળવવા અરજી કરી હતી, પરંતુ મ્યુનિસિપલ કોર્પોરેશને આ અરજીને નામંજૂર કરી દીધી છે. હાલ આ મામલો એપેલેટ ઑથોરિટી સમક્ષ પેન્ડિંગ છે.

રાજ્ય સરકાર નરેન્દ્ર મોદી સ્ટેડિયમની આસપાસ ‘ઓલિમ્પિક વિલેજ’ અને વર્લ્ડ ક્લાસ સ્પોર્ટ્સ કોમ્પ્લેક્સ બનાવવાની તૈયારી કરી રહી છે. આ સર્વેમાં ફક્ત આસારામ આશ્રમ જ નહીં, પરંતુ ભારતીય સેવા સમાજ, સદાશિવ આશ્રમ ઉપરાંત અંદાજે 150 જેટલા રહેણાક મકાનોને પણ નોટિસ આપવામાં આવી છે.

લીગલ કમિટીના ચેરમેન પ્રકાશ ગુર્જરે સ્પષ્ટ કર્યું છે કે સ્પોર્ટ્સ સંકુલ ફેઝ-2 ના ડેવલપમેન્ટ માટે આ ગેરકાયદે બાંધકામો હટાવવા જરૂરી છે. એપેલેટ ઑથોરિટીમાં કેસનો નિકાલ આવતાંની સાથે જ વહીવટી તંત્ર દ્વારા વર્ષો જૂના આ દબાણો દૂર કરવામાં આવશે.

આ મુદ્દા ઉપર સિનિયર પત્રકાર દિલીપ પટેલે વિસ્તૃત વિશ્લેષણ કર્યું છે જે વિડીયો નીચે મુજબ છે જોવાનું ચૂકશો નહિ. પ્રસ્તુત છે વિડીયો