સેન્સેક્સમાં 1200 તો નિફ્ટીમાં 400 પોઈન્ટનો કડાકો; રોકાણકારોને 7.5 લાખ કરોડ રૂપિયાનું નુકશાન

  • Others
  • February 28, 2025
  • 0 Comments

સેન્સેક્સમાં 1200 તો નિફ્ટીમાં 400 પોઈન્ટનો કડાકો; રોકાણકારોને 7.5 લાખ કરોડ રૂપિયાનું નુકશાન

આજે અઠવાડિયાના છેલ્લા ટ્રેડિંગ દિવસે એટલે કે શુક્રવાર (28 ફેબ્રુઆરી)ના રોજ સેન્સેક્સ 1200 પોઈન્ટ (1.59%) થી વધુનો કડાકો નોંધાયો છે. નિફ્ટી પણ 400 પોઈન્ટ (1.61%) ઘટીને 22,200 ના સ્તરે આવી ગઈ છે. તો સેન્સેક્સ 73,400 ના સ્તરે ટ્રેડ કરી રહ્યું છે.

સેન્સેક્સના 30૦ શેરોમાંથી 27 શેરોમાં ઘટાડો અને માત્ર ત્રણ શેરોમાં વધારો જોવા મળ્યો છે. 50 નિફ્ટી શેરોમાંથી 45 શેરોમાં ઘટાડો અને માત્ર 5 શેરોમાં વધારો જોવા મળ્યો છે. આજે NSEના તમામ ક્ષેત્રીય સૂચકાંકોમાં ઘટાડો જોવા મળી રહ્યો છે.

સૌથી વધુ નુકસાન નિફ્ટી આઇટીમાં 3.27%, ઓટોમાં 2.65%, મીડિયામાં 2.5૦%, જાહેર ક્ષેત્રની બેંકોમાં 2.05% અને મેટલમાં 1.82% છે. આ ઉપરાંત, ફાર્મા, બેંકિંગ, FMCG અને ફાઇનાન્શિયલ સર્વિસિસના શેરોમાં 1% સુધીનો ઘટાડો જોવા મળ્યો છે.

રોકાણકારોની સંપત્તિમાં 7.5 લાખ કરોડ રૂપિયાનો ઘટાડો

શેરબજારમાં વેચવાલીથી રોકાણકારોની સંપત્તિમાં 7.5 લાખ કરોડ રૂપિયાનો ઘટાડો થયો. શુક્રવાર, 28 ફેબ્રુઆરીના રોજ સવારે 10 વાગ્યે BSE પર લિસ્ટેડ કંપનીઓનું એકંદર માર્કેટ કેપ 385 લાખ કરોડ રૂપિયા હતું. 27 ફેબ્રુઆરીએ તે લગભગ 393 લાખ કરોડ રૂપિયા હતું.

બજાર ઘટવાના 3 કારણો:

ત્રીજા ક્વાર્ટરના GDP આંકડા આજે જાહેર થશે. આ પહેલા રોકાણકારો સાવધ રહે છે. આ ક્વાર્ટરમાં ભારતની અર્થવ્યવસ્થા 6.3% ના દરે વૃદ્ધિ પામવાનો અંદાજ છે. સરકારી ખર્ચમાં વધારાથી સ્થાનિક માંગમાં નબળાઈને સરભર કરવામાં મદદ મળી. જોકે, ભવિષ્યના વિકાસ માટેના અંદાજો થોડા નિયંત્રિત છે.

ગુરુવારે, યુએસ પ્રમુખ ડોનાલ્ડ ટ્રમ્પે પુષ્ટિ આપી હતી કે કેનેડા અને મેક્સિકો પર 25% ટેરિફ 4 માર્ચથી અમલમાં આવશે. આ ઉપરાંત, 4 માર્ચથી ચીન પર પહેલાથી લાદવામાં આવેલા 10% ટેરિફ ઉપરાંત, વધારાનો 10% ટેરિફ લાદવામાં આવશે. આનાથી બજારોમાં દબાણ વધ્યું છે. અમેરિકન અને એશિયન બજારોમાં ઘટાડો જોવા મળી રહ્યો છે.

27 ફેબ્રુઆરીના રોજ, વિદેશી રોકાણકારો (FII) એ 556.56 કરોડ રૂપિયાના શેર વેચ્યા હતા. 2025માં વિદેશી રોકાણકારોએ 1 લાખ કરોડ રૂપિયાથી વધુ મૂલ્યના ભારતીય શેર વેચ્યા છે. દરમિયાન, મ્યુચ્યુઅલ ફંડ્સ સહિત સ્થાનિક સંસ્થાકીય રોકાણકારો (DIIs) એ આ સમયગાળા દરમિયાન રૂ. 83,000 કરોડના શેર ખરીદ્યા હતા.

આ પણ વાંચો-Surat Fire: અગ્નિકાંડે વેપારીઓને રડાવ્યા, જોયેલા સપ્નાઓ ચકનાચૂર, જુઓ શુ થઈ છે સ્થિતિ?

વૈશ્વિક બજારમાં 3%નો ઘટાડો

એશિયન બજારોમાં, જાપાનનો નિક્કી 2.81%, હોંગકોંગનો હેંગ સેંગ 2.27%, કોરિયાનો કોસ્પી 3.08% અને ચીનનો શાંઘાઈ કમ્પોઝિટ ઇન્ડેક્સ 0.88% ઘટ્યો છે.

27 ફેબ્રુઆરીના રોજ વિદેશી રોકાણકારો (FII)એ 556.56 કરોડ રૂપિયાના શેર વેચ્યા હતા. આ સમયગાળા દરમિયાન સ્થાનિક રોકાણકારો (DIIs) એ 1,727.11 કરોડ રૂપિયાના શેર ખરીદ્યા.

27 ફેબ્રુઆરીએ, અમેરિકાનો ડાઉ જોન્સ 0.45% ના ઘટાડા સાથે 43,239 પર બંધ થયો. જ્યારે S&P 500 ઇન્ડેક્સ 1.59% વધીને 5,861 પર બંધ થયો હતો અને Nasdaq 2.78% વધીને 18,544 પર બંધ થયો હતો. સપ્ટેમ્બરના સર્વકાલીન ઉચ્ચતમ સ્તરથી બજાર 4,038 પોઈન્ટ ઘટ્યું છે.

સપ્ટેમ્બર 2024- ઓગસ્ટની સરખામણીમાં સપ્ટેમ્બરમાં નિફ્ટીમાં 575 પોઈન્ટનો વધારો થયો હતો. નિફ્ટી 30 ઓગસ્ટના રોજ 25,235 પર અને 30 સપ્ટેમ્બરના રોજ 25,810 પર બંધ થયો હતો.

ઓક્ટોબર 2024- સપ્ટેમ્બરની સરખામણીમાં ઓક્ટોબરમાં બજાર 1605 પોઈન્ટ ઘટ્યું. 30 સપ્ટેમ્બરે બજાર 25,810 પર હતું, 31 ઓક્ટોબરે 24,205 પર બંધ થયું.

નવેમ્બર 2024- ઓક્ટોબરની સરખામણીમાં નવેમ્બરમાં નિફ્ટી 74 પોઈન્ટ ઘટ્યો. તે મહિનાના છેલ્લા ટ્રેડિંગ દિવસે 29 નવેમ્બરના રોજ 24,131 પર બંધ થયો.

ડિસેમ્બર 2024- ડિસેમ્બર મહિનામાં નિફ્ટીમાં 487 પોઈન્ટનો ઘટાડો થયો. 31 ડિસેમ્બરે બજાર 23,644 રૂપિયા પર બંધ થયું.

જાન્યુઆરી 2025 – નવા વર્ષના પહેલા મહિનામાં બજાર 136 પોઈન્ટ ઘટ્યું. 31 જાન્યુઆરીએ તે 23,508ના સ્તરે બંધ થયો.

ફેબ્રુઆરી 2025- ફેબ્રુઆરીમાં ઘટાડાનો ટ્રેન્ડ અત્યાર સુધી ચાલુ રહ્યો છે. જાન્યુઆરીની સરખામણીમાં અત્યાર સુધીમાં તેમાં 1269 પોઈન્ટનો ઘટાડો થયો છે.

જણાવી દઈએ કે, 27 સપ્ટેમ્બર 2024ના રોજ બજારે 26,277ની સર્વકાલીન ઊંચી સપાટી બનાવી હતી.

તુહિન કાંત પાંડે સેબીના નવા વડા બનશે

કેન્દ્ર સરકારે નાણા સચિવ તુહિન કાંત પાંડેને સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI) ના આગામી વડા તરીકે નિયુક્ત કર્યા છે. તુહિન આગામી 3 વર્ષ સુધી આ પદ સંભાળશે. તેઓ વર્તમાન વડા માધબી પુરી બુચનું સ્થાન લેશે. માધબી આજે (28 ફેબ્રુઆરી) નિવૃત્ત થઈ રહી છે.

તુહિન કાંત પાંડે 1987 બેચના ઓડિશા કેડરના IAS અધિકારી છે. તેઓ મોદી 3.0 સરકારમાં ભારતના સૌથી વ્યસ્ત સચિવોમાંના એક છે. તેઓ હાલમાં કેન્દ્ર સરકારમાં ચાર મહત્વપૂર્ણ વિભાગો સંભાળી રહ્યા છે. 7 સપ્ટેમ્બર 2024 ના રોજ તેમને નાણા સચિવ તરીકે નિયુક્ત કરવામાં આવ્યા હતા.

ગઈકાલે શેરબજારમાં સ્થિરતા જોવા મળી હતી 

ગઈકાલે એટલે કે ગુરુવાર (27 ફેબ્રુઆરી) ના રોજ, સેન્સેક્સ 10 પોઈન્ટના વધારા સાથે 74,612 પર બંધ થયો. નિફ્ટી 2 પોઈન્ટ ઘટીને 22,545 પર બંધ થયો. સેન્સેક્સના 30 શેરોમાંથી 13 શેરોમાં ઘટાડો થયો અને 16 શેરોમાં વધારો થયો.

નિફ્ટીના 50 શેરોમાંથી 31 શેરોમાં ઘટાડો થયો હતો જ્યારે 19 શેરોમાં વધારો થયો હતો. NSE ક્ષેત્રીય સૂચકાંકોમાં, મીડિયા ક્ષેત્ર સૌથી વધુ 3.58% ઘટ્યું અને ઓટો ક્ષેત્ર 1.51% ઘટ્યું. જ્યારે નિફ્ટી બેંક, મેટલ અને ફાઇનાન્શિયલ સર્વિસિસ સૂચકાંકોમાં 1% સુધીનો વધારો થયો હતો.

આ પણ વાંચો- જૂનાગઢ: ઘેડ વિસ્તારના લોકો સાથે રાજ્ય સરકારની આંકડાકીય રાજરમત; ઘેડા વિકાસ સમિતિએ પસાર કર્યા 11 ઠરાવો

Related Posts

Satire: એક એવો રાજા કે જેણે પોતાની પત્નીને વર્ષો પહેલા તરછોડી દીધી હતી! તે રાજાને અચાનક “નારી વંદના” પ્રેમ ઉભરાઈ ગયો!!
  • April 22, 2026

“વિક્રમ, બૈતાલ અને નારી વંદન” ▪️ શ્રીકાંત આપ્ટે Satire: રાજા વિક્રમે પોતાની હઠ છોડી નહીં અને ફરીથી વૃક્ષ પર લટકતા વૈતાળને વૃક્ષ પરથી ઉતારીને ખભા પર લઈ ચૂપચાપ નગર તરફ…

Continue reading
Satire: “વિક્રમ, વૈતાળ અને દોઢ આંસુ!”
  • April 19, 2026

—–વ્યંગ કથા—- લેખક : શ્રીકાંત આપ્ટે Satire: દરેક વખતની જેમ આ વખતે પણ વિક્રમે વૈતાળને વૃક્ષ પરથી ઉતારીને ખભા પર મૂક્યો અને ચૂપચાપ શહેર તરફ ચાલી પડ્યો વૈતાળ પણ ઓછો…

Continue reading

Leave a Reply

Your email address will not be published. Required fields are marked *

You Missed

West Bengal SIR Controversy: પશ્ચિમ બંગાળમાં SIR દરમિયાન 16.10 લાખ મતદારો સામે અપીલ કોણે દાખલ કરી? જવાહર સરકારે ચૂંટણી અધિકારીને પૂછ્યા સવાલ

  • November 15, 2026
  • 2 views
West Bengal SIR Controversy: પશ્ચિમ બંગાળમાં SIR દરમિયાન 16.10 લાખ મતદારો સામે અપીલ કોણે દાખલ કરી? જવાહર સરકારે ચૂંટણી અધિકારીને પૂછ્યા સવાલ

Yogi Adityanath Bulldozer Statement: યોગી અક્ષમ મુખ્યમંત્રી છે, તેથી ‘બુલડોઝર’ તેમની ઓળખ બની ગયું છે!

  • November 15, 2026
  • 3 views
Yogi Adityanath Bulldozer Statement: યોગી અક્ષમ મુખ્યમંત્રી છે, તેથી ‘બુલડોઝર’ તેમની ઓળખ બની ગયું છે!

Fake Court Order Scam: ફરજી હાઈકોર્ટના આદેશથી 129 વેબસાઇટ બ્લોક, PMOએ દૂરસંચાર સચિવને બોલાવી માગ્યો જવાબ

  • November 15, 2026
  • 5 views
Fake Court Order Scam: ફરજી હાઈકોર્ટના આદેશથી 129 વેબસાઇટ બ્લોક, PMOએ દૂરસંચાર સચિવને બોલાવી માગ્યો જવાબ

Ramlila Maidan New Rules: દિલ્હીના રામલીલા મેદાનમાં રેલીઓ માટે નવા નિયમોનો પ્રસ્તાવ, 50 હજાર લોકોની મર્યાદા અને સાંજે 5 વાગ્યા સુધી જ મંજૂરી

  • November 15, 2026
  • 4 views
Ramlila Maidan New Rules: દિલ્હીના રામલીલા મેદાનમાં રેલીઓ માટે નવા નિયમોનો પ્રસ્તાવ, 50 હજાર લોકોની મર્યાદા અને સાંજે 5 વાગ્યા સુધી જ મંજૂરી

Akhilesh Yadav Congress Seats: ઉત્તર પ્રદેશમાં કોંગ્રેસની 181 બેઠકોની માગ, અખિલેશ યાદવે આપ્યો મોટો સંકેત

  • November 15, 2026
  • 7 views
Akhilesh Yadav Congress Seats: ઉત્તર પ્રદેશમાં કોંગ્રેસની 181 બેઠકોની માગ, અખિલેશ યાદવે આપ્યો મોટો સંકેત

Pakistan Minister India Visit: ભારત-પાકિસ્તાનના તણાવ વચ્ચે પાકિસ્તાની મંત્રી આવશે દિલ્હી, SCO બેઠકમાં લેશે ભાગ

  • November 15, 2026
  • 6 views
Pakistan Minister India Visit: ભારત-પાકિસ્તાનના તણાવ વચ્ચે પાકિસ્તાની મંત્રી આવશે દિલ્હી, SCO બેઠકમાં લેશે ભાગ