Donald Trump: અમેરિકાના રાષ્ટ્રપતિ ડોનાલ્ડ ટ્રમ્પે એક મોટી જાહેરાત કરતા જણાવ્યું હતું કે ભારતની રિલાયન્સ ઇન્ડસ્ટ્રીઝ અમેરિકામાં 300 અબજ ડોલરના રોકાણ સાથે ટેક્સાસના બ્રાઉન્સવિલેમાં એક નવી ઓઇલ રિફાઇનરી ખોલશે, છેલ્લા 50 વર્ષમાં યુનાઇટેડ સ્ટેટ્સમાં આ પહેલો સૌથી મોટો રિફાઇનરી પ્રોજેક્ટ છે. ટ્રમ્પે આને અમેરિકન ઉર્જા ક્ષેત્ર માટે એક ઐતિહાસિક પગલું ગણાવતા કહ્યું કે તેઓ ફરી એકવાર અમેરિકાને એક મજબૂત ઉર્જા પાવરહાઉસ બનાવશે.
ટ્રમ્પે તેમના સોશિયલ મીડિયા એકાઉન્ટ પર પોસ્ટ કર્યું કે “અમેરિકા તેના અસલી ઉર્જા એકાધિકાર તરફ પાછું ફરી રહ્યું છે!” તેમણે અમેરિકા ફર્સ્ટ રિફાઇનિંગ કંપની હેઠળ ટેક્સાસના બ્રાઉન્સવિલેમાં રિફાઇનરી ખોલવા વિશે વાત કરી. ટ્રમ્પે તેને 300 બિલિયન ડોલરનો સૌથી મોટો સોદો ગણાવ્યો. તેમણે કહ્યું કે તે અમેરિકન કામદારો, ઉર્જા ક્ષેત્ર અને દક્ષિણ ટેક્સાસના લોકો માટે એક મોટી જીત છે.
ટ્રમ્પે આ પ્રસંગે સૌથી મોટી ખાનગી ઉર્જા કંપની રિલાયન્સનો આભાર માન્યો હતો.
President Donald J. Trump announces that America First Refining is opening the FIRST new U.S. Oil Refinery in 50 YEARS in Brownsville, Texas. 🇺🇸
This is what AMERICAN ENERGY DOMINANCE looks like. 💪 pic.twitter.com/UTOW7wECCI
— The White House (@WhiteHouse) March 10, 2026
ટ્રમ્પે એવો પણ દાવો કર્યો હતો કે તેઓ દ્વારા કરવામાં આવેલી અમેરિકાની ફર્સ્ટ પોલીસી,સરળ પરમીટ પ્રક્રિયાઓ અને કર ઘટાડાને લઈ હવે મોટા રોકાણકારો રોકાણ માટે આકર્ષિત થઈ રહ્યા છે. યુનાઇટેડ સ્ટેટ્સમાં રિલાયન્સની નવી રિફાઇનરી અમેરિકન બજારને ઈંધણ પૂરું પાડશે, રાષ્ટ્રીય સુરક્ષાને મજબૂત બનાવશે અને ઉર્જા ઉત્પાદનમાં વધારો કરશે. ટ્રમ્પે એમ પણ કહ્યું હતું કે તે વિશ્વની સૌથી સ્વચ્છ રિફાઇનરી હશે. તેનો અબજો ડોલરનો આર્થિક પ્રભાવ પડશે અને હજારો નોકરીઓનું સર્જન થશે.
તેમણે જણાવ્યું હતું કે ભારતીય કંપની રિલાયન્સની રિફાઇનરી યુએસમાં ખુલવાથી દક્ષિણ ટેક્સાસ ક્ષેત્રમાં વિકાસને વેગ મળશે. અમેરિકામાં આ પ્રોજેક્ટ શરૂ થવાથી વૈશ્વિક નિકાસમાં વધારો થશે અને અમેરિકાની વિદેશી તેલ પરની નિર્ભરતા ઓછી થશે. ટ્રમ્પની આ જાહેરાત પશ્ચિમ એશિયામાં મોટા સંઘર્ષના સમયે આવી છે.
રિલાયન્સ દ્વારા અમેરિકામાં $300 બિલિયનનું રોકાણ કરવાના સમાચાર બાદ રિલાયન્સ ઇન્ડસ્ટ્રીઝના શેરમાં વધારો થવાની ધારણા છે. મંગળવારે રિલાયન્સ ઇન્ડસ્ટ્રીઝના શેર 1 ટકાથી વધુ ઘટીને ₹1,409 પર બંધ થયા. ટ્રેડિંગ સત્ર દરમિયાન, શેર ₹1,430 ની ઊંચી સપાટીને સ્પર્શ્યો. તેની 52-અઠવાડિયાની ઊંચી સપાટી ₹1,611 અને નીચી સપાટી ₹1,115 છે. કંપનીનું માર્કેટ કેપ ₹19,06,793 કરોડ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
