Surat: ગેંગરેપની ઘટનામાં BJPના મહામંત્રી આદિત્ય ઉપાધ્યાયની ધરપકડ

Surat: રાજ્યમાં કદાચ કોઈ એવો ગુનો નહીં હોય જેમાં ભાજપના નેતાઓનું કનેક્શન ના નિકળતું હોય. ભાજપનો ખેસ પહેર્યા બાદ નેતાઓને એવું લાગતું હોય છે કે તેમને કોઈપણ ગુનો કરવાની પરવાગી મળી જાય છે. તેમને એવું લાગતું હોય છે કે, તેઓ કોઈ પણ અપરાધ કરશે પાર્ટી તેમને બચાવી જ લેશે એટલા માટે ભાજપના નેતાઓ દુષ્કર્મ કરતા પણ અચકાતા નથી. રાજ્યમાં એક બાદ એક દુષ્કર્મની ઘટનાઓમાં ભાજપ નેતાનું કનેક્શન સામે આવી રહ્યું છે જેથી એવું લાગી રહ્યુંછે કે, ભાજપના નેતાઓથી હવે દિકરીઓ સુરક્ષિત નથી રહી ત્યારે સુરતમાં ગેંગરેપની ઘટનામાં ભાજપ નેતાનું નામ ઉછળ્યું છે.

BJPના મહામંત્રી આદિત્ય ઉપાધ્યાય પર લાગ્યા દુષ્કર્મના આરોપ

મળતી માહિતી મુજબ સુરત શહેરના જહાંગીપુરા વિસ્તારમાં ગેંગ રેપની ઘટના સામે આવી છે આ મામલે BJPના મહામંત્રી આદિત્ય ઉપાધ્યાયની ધરપકડ કરવામાં આવી છે. આ હવસખોર નેતાએ તેના મિત્ર સાથે મળીને એક યુવતીને ફરવા લઈ જવાનું કહીને તેની પર ગેંગરેપ કર્યો હતો. જાણકારી મુજબ આ બંન્ને યુવતીને જહાંગીપુરાની Oyo ગ્રીન હોટલમાં લઈ ગયા હતા અને યુવતીને કોલ્ડ્રિક્સમાં કેફી પ્રદાર્થ પીવડાવીને ગૌરવ સિંધ અને આદિત્ય ઉપાધ્યાયએ યુવતી પર દુષ્કર્મ આચર્યું હતું.

BJPના મહામંત્રી આદિત્ય અને તેના મિત્ર ગૌરવસિંઘની ધરપકડ

આ મામલે જહાંગીપુરા પોલીસ સ્ટેશનમાં ભાજપ નેતા આદિત્ય ઉપાધ્યાય સહિત 2 સામે ગેંગરેપની ફરિયાદ નોંધાઈ છે. જેથી પોલીસે ફરિયાદ નોંધી વધુ કાર્યવાહી હાથ ધરી હતી અને આ મામલે BJPના મહામંત્રી આદિત્ય અને તેના મિત્ર ગૌરવસિંઘની ધરપકડ કરવામા આવી છે.